ટુક સમયમાં નવરાત્રી દિવાળીના તહેવારો શરૂ થશે. બુટલેગર પણ દમણમાંથી દારૂની ખેપ મારવા મશગુલ બન્યા છે. અને અવનવા કિમીયા અજમાવી દારૂના જથ્થાને ગુજરાતમાં ઠાલવી રહ્યાં છે. આવા જ કિમીયા સાથે દમણથી પ્લાસ્ટિકના ડ્રમમાં દારૂ ભરીને ગુજરાતમાં લઈ જતા એક ખેપિયાને પોલીસે ઝડપી પાડયો છે.
પોલીસના જણાવ્યાનુંસાર વાપી દમણની બોર્ડર પર ચલા ચેકપોસ્ટ ખાતે વાપી ટાઉન પોલીસની ટીમ પેટ્રોલિંગમાં હતી. જે દરમિયાન બાતમી આધારે દમણથી આવેલી એક પીકઅપ વાનને અટકાવી તેમાં તપાસ કરતા, પ્લાસ્ટિકના કેમિકલમાં વપરાતા સાત જેટલા ડ્રમ પડ્યા હતા. પોલીસે આ ડ્રમમાંથી દમણની બનાવટનો દારૂ મળી આવ્યો હતો. પોલીસે 1.59 લાખના દારૂ સાથે ડ્રાઇવરની ધરપકડ કરી વધુ તપાસ હાથ ધરી હતી.
વાપીમાં પોલીસની બૂટલેગરો પર તવાઈ 5 લાખનો દારૂ અને 5 લાખના વાહનો જપ્ત કર્યા