દમણ : રવિવારે વધુ 2 કેસ કોરોના પોઝિટિવ આવતા કુલ આંક 6 પર પહોંચ્યો છે. દમણમાં આવેલા મેકલોઈડ ફાર્માસ્યુટિકલ કંપનીમાં નોકરી કરતા 30 વર્ષીય યુવકનો રિપોર્ટ કોરોના પોઝિટિવ આવ્યો છે. તે જ રીતે ગુજરાતની વેલસ્પન ઇન્ડિયા લિમિટેડ કંપનીમાં કરતો અને દમણમાં રહેતા 40 વર્ષીય યુવાનનો કોરોના રિપોર્ટ પણ પોઝિટિવ આવ્યો છે. તંત્રએ આ સાથે દમણમાં 3 વિસ્તાર કન્ટેનમેન્ટ ઝોન જાહેર કર્યા છે. જેમાં ખારીવાડના વોર્ડ નંબર-15માં ઉમરનુર એપાર્ટમેન્ટ, દિલીપનગરમાં દિલીપ એમ્પાયર અને આટિયાવાડ ચાર રસ્તા પાસે ડાભેલની વિજય બાર એન્ડ રેસ્ટોરન્ટ બિલ્ડીંગ સિલ કરી છે.
કર્મચારીનો કોરોના રીપોર્ટ પોઝિટિવ