દાહોદમાં બુક સ્ટોરમાં લાગી ભીષણ આગ, માલસમાન બળીને ખાખ

દાહોદ: શહેરના એમ. જી. રોડ પર આવેલ સ્ટેશનરીની દુકાનમાં અકસ્માતે આગ ભભૂકી ઉઠતા ધુમાડાના ગોટેગોટા બહાર નીકળવા માંડતા વિસ્તારમાં ભયનો માહોલ સર્જાયો હતો. આ ઘટનાની જાણ થચા જ ફાયર બ્રિગેડની ભારે જહેમત બાદ આગને કાબુ મેળવ્યો હતો. જેમાં અંદાજે 8 લાખ રૂપિયાનું નુકસાન થયું હતું.

દાહોદ શહેરના એમ. જી. રોડ પર આવેલ વજિયુદિન શાદીકઅલી જાંબુઘોડાવાલાની નેશનલ બુક સ્ટોરના ઉપલા માળે અકસ્માતે આગ લાગી હતી. આ ઘટનાની જાણ સ્થાનિકો દ્વારા ફાયર બ્રિગેડ વિભાગને આપવામાં આવી હતી. ઘટનાની જાણ મળતાની સાથે જ તાત્કાલિક ફાયર બ્રિગેડ ઘટના સ્થળે પહોંચી હતી અને આગ પર કાબુ મેળવ્યો હતો.