આ આગ એટલી જોરદાર હતી કે ભાવનગર રાજકોટ હાઈવેને જોડતા મુખ્ય માર્ગ પર આગ લાગવાના કારણે આ રોડ પરથી પસાર થતા નાના મોટા વાહનો અને લોકો ડરી ગયા હતા. આ ઉપરાંત નજીકમાં જ પેટ્રોલ પંપ હોવાથી મોટી દુર્ઘટના ઘટે તેવી દહેશત લોકોમાં ફેલાવવા લાગી હતી.
આ અંગે પોલીસને જાણ કરાતા પોલીસ કાફલો અને ફાયર સ્ટાફ ઘટનાસ્થળે પહોંચી ગયો હતો અને પરિસ્થિતિને કાબૂમાં લીધી હતી. બીજી તરફ આ બનાવના પગલે ગેસની પાઇપ લાઇનનો જેની પાસે કોન્ટ્રાક્ટ છે તેવી પૂજા કંપનીને જાણ કરવામાં આવતાં તેઓ દ્વારા પાઇપલાઇનમાં જતાં ગેસના વાલ્વ બંધ કરી દેતા આગ પર કાબુ મેળવવામાં સફળતા મળી છે.
આ આગના કારણે કોઈ જાનમાલને નુકસાન પહોંચ્યું નથી. જોકે આગ લાગવાના કારણે અડધો કલાક માટે વાહન વ્યવહાર અટકી પડ્યો હતો, જે હાલ પૂર્વવત થયો છે.
