લોકડાઉન વધે તો ઓટો મોબાઇલના ધંર્ધાર્થીઓની વધી શકે છે મુશ્કેલી

ભાવનગરમાં ઓટોમોબાઈલ સહિતના ધંધાર્થીઓને લોકડાઉન 21 દિવસથી પણ હજુ વધુ 10 દિવસ ચાલી શકે તેમ છે. પણ જો આ લોકડાઉન તેનાથી પણ વધે તો ધંધાર્થીઓમાં મુશ્કેલી આવી શકે છે. ETV BHARATએ એક જતીનભાઈ શુક્લ નામના ઓટોમોબાઈલના વ્યવસાયકારની મુલાકાત લઈને તેમની સ્થિતિ જાણી હતી પણ પછીની પરિસ્થિતિ કેવી થઈ શકે લોકડાઉનથી જે તેમને જણાવ્યું હતું.

ભાવનગર : લોકડાઉનના 21 દિવસ હવે લોકોને ક્યાંક આકરા લાગી રહ્યા છે. કારણ કે પૈસા વગર માનવી કશું કરી શકતો નથી, ત્યારે લોકડાઉનમાં સરકાર અને પ્રજા કોરોના સામે મજબૂર છે. ઘરમાં રહેવા સિવાયનો કોઈ ઉપાય નથી પણ લોકોને 21 દિવસથી વધુનુ લોકડાઉન મુશ્કેલી ઉભી કરી શકે છે. ETV BHARATએ ઓટોમોબાઇલ ક્ષેત્રે સંકળાયેલા વ્યક્તિની મુલાકાત લીધી હતી જોઈએ શું છે સ્થિતિ અને શું સર્જાઈ શકે છે પરિસ્થિતિ.

જિલ્લાના દેસાઈનગર વિસ્તારમાં ગાયત્રી સોસાયટીમાં રહેતા જતીનભાઈ શુકલને પોતાનું ગેરેજ અને સર્વિસ સેન્ટર છે. ગેરેજ અને સર્વિસ સેન્ટર સિહોર ખાતે આવેલું છે માટે તેમને રોજ અપડાઉન કરવું પડે છે પણ જતીનભાઈ લોકડાઉનથી પોતાના ઘરમાં છે. હાલમાં જતીનભાઈ ઘરમાં નાના મોટા કામ કરે છે. વૃક્ષોને પાણી પીવડાવું તેમજ બીજા સમયમાં ટીવી અને બાદમાં મોબાઈલમાં પરિવાર સાથે ગેમ રમે છે. લોકડાઉન પગલે જતીનભાઈનું કહેવું છે કે 21 દિવસ માથે વધુ 10 દિવસ નીકળી શકે છે પણ પછી જો વધારવામાં આવે તો તકલીફ ઊભી થશે.

કામ કરતા ઘરના મોભી

જિલ્લામાં રહેતા અને સિહોરમાં પોતાનો વ્યવસાય ચલાવતા જતિનભાઈને બે બાળકો છે. પુત્ર કોલેજના ત્રીજા વર્ષમાં છે તો દીકરી પણ બીજા વર્ષમાં છે. બંને બાળકોની ફી અને ઘરના ગુજરાન ચલાવવા માટે તેમની પાસે રહેલી રકમથી દિવસો નીકળી રહ્યા છે. ધંધામાં એક મહિનો બંધ રહેવાથી 15થી 25 હજારની ખોટ હાલ છે. જતીનભાઈનું કહેવું છે વધુ લંબાવવામાં આવશે તો દિવસો આકરા બનશે. કારણ કે પૈસા વગર ઘર ચાલતું નથી. જેની નોંધ પણ સરકારે લેવી જોઈએ. કારણ કે આ પ્રકારના દરેક ધંધાર્થીઓની હાલત કફોડી બનતી જશે છતાં જતીનભાઈ સરકારની સાથે રહીને લોકોને ઘરમાં રહેવાની અપીલ કરી રહ્યા છે.

ઘરે ટાઇમ પસાર કરતો પરિવાર