જીતુ વાઘાણીની હાજરીમાં ભાજપ સદસ્યતા સભ્ય નોંધણી અભિયાનનો પ્રારંભ

ભાવનગરઃ શહેરમાં ભાજપ દ્વારા સદસ્યતા અભિયાન-2નો પ્રારંભ કરવામાં આવ્યો હતો. સરદારનગર ઓડીટોરીયમ હોલ ખાતે પ્રદેશ પ્રમુખ જીતુભાઈ વાઘાણીની ઉપસ્થિતિમાં કાર્યક્રમનો પ્રારંભ થયો હતો. જીતુભાઈ વાઘાણી સહિતના સ્થાનિક નેતાઓ પણ આ કાર્યક્રમમાં ઉપસ્થિત રહ્યાં હતા.

આ કાર્યક્રમમાં પૂર્વ સાંસદ રાજુભાઈ રાણાએ પણ હાજરી આપી હતી. તો સંગઠન મજબુત બનાવવા માટે ભાજપ પ્રદેશ પ્રમુખે હાંકલ કરી હતી. સાથે જ વડાપ્રધાનના ભાષણ બાદ જીતુ વાઘાણીએ મોબાઈલમાં મિસ્ડકોલ કરીને સદસ્યતા નોંધવાનો પ્રારંભ કર્યો હતો.

આ તકે હાજર દરેક કાર્યકરોએ મોબાઈલમાં મિસ્ડકોલ કરીને સદસ્યતા નોંધાવી હતી. જીતુ વાઘાણીએ સદસ્યતા અભિયાન-2માં આ કાર્યકરોની સંખ્યા ડબલ કરવા લક્ષ્યાંક રાખ્યો છે. ગત વર્ષે 20 ટકા નવા સદસ્ય બનાવ્યા હતા. ત્યારે આ અભિયાન-2 અંતર્ગત 50 ટકા સદસ્યતા કરવા પ્રદેશ પ્રમુખે હાંકલ કરી હતી.