ગારીયાધારમાં પહેલીથી ભાજપનો ભગવો લહેરાતો આવ્યો છે. એક તરફ જિલ્લામાં ઉદ્યોગો આવતા નથી અને જે ઉદ્યોગો છે તેની સાથે કોઈને કોઈ ઘટના બનતી જ રહી છે. જીનીંગ મિલના માલિકોએ આક્ષેપ કર્યો છે કે, પહેલા કપાસ ખરીદી કરવામાં આવતી હતી. જેમાં અશ્વિન વચ્ચે રહીને જીતેશને કપાસ અપાવતો હતો, પરંતુ જીતેશ અને અશ્વિન સહીત અન્ય લોકોએ છેતરપીંડી કરા હોવાનો આક્ષેપ કર્યો છે. ગારીયાધારના બે જીનીંગ મિલના માલિકોએ 2013માં આશરે 2 કરોડની ફરિયાદ નોંધાવી હતી.
જીનીંગ મિલ માલિકો પાસેથી મળતી માહિતી પ્રમાણે, ગારીયાધાર જ નહી, પરંતુ અમરેલી ગોંડલ સહીત અનેક શહેરોમાં આવેલી જીનીંગ મિલમાં આ ટોળકી દ્વારા છેતરપીંડી કરવામાં આવી છે અને તેનો આંકડો આશરે 50 કરોડની આસપાસ પહોંચ્યો છે. જો પોલીસ દ્વારા કાર્યવાહી કરીને પગલા ભરવામાં નહી આવે અને લોકોને પૈસા પાછા નહી મળે તો જીનીંગ માલિકોને મરવાનો વારો આવશે.
ઉદ્યોગકારોને લુંટી લેનારા સામે પોલીસે આજ દિવસ સુધી કેમ પગલા ભર્યા નથી અને કોર્ટના આદેશ બાદ ભાજપના મહામંત્રીને ઝડપી લેવા પાછળનું કારણ શું છે તે અકબંધ છે. જો કે, પોલીસે સમગ્ર મામલે કશું કહેવાનો ઈન્કાર કર્યો છે. જો દેશમાં વિકાસ ઉદ્યોગકારોને લૂંટીને કરવામો અને સુરક્ષા કરનારા આંખ આડા કાન રાખીને ગાંધારી બનવાના હોઈ તો વિકાસ કોનો થાય છે તે પ્રશ્ન જરૂરી છે.