ભરૂચઃ જિલ્લાના હાંસોટ ખાતે રહેતા યુવાનો જીશાન જાવીદ મલેક, સિહાબ સકીલ મલેક, મુસ્તુફા જાવીદ મલેક અને કાદીર કરમહુશેન શેખ રવિવારે આલિયાબેટ ખાતે દરિયામાં ન્હાવા પડ્યા હતા. જ્યાં નજીક નર્મદા નદીનો સંગમ સ્થાન હોવાથી પાણીનું જોર વધ્યું હતું. જેના પગલે 5 મિત્રો પૈકી ન્હાવા પડેલા મિત્રો દરિયાના પાણીમાં અચાનક ડૂબવા લાગ્યા હતા અને 4 યુવાન પાણીમાં ગરકાવ થઇ ગયા હતા. જ્યારે એક યુવાન બચી જતા તેને આ અંગે હાંસોટ ખાતે પરિજનોને જાણ કરતા તેઓએ વહીવટી તંત્રને જાણ કરી ઘટના સ્થળે દોડી આવ્યા હતા અને નાવડી અને સ્થાનિક ખલાસીઓ તેમજ વહીવટી તંત્રની મદદથી શોધખોળ આરંભી હતી.
ભરૂચના હાંસોટના આલીયાબેટ ખાતે દરિયામાં ન્હાવા ગયેલ ચાર યુવાનો પાણીમાં ડુબ્યા