છેલ્લા ઘણાં સમયથી ગુનાખોરી અને હત્યા જેવી ઘટનાઓના પ્રમાણમાં વધારો થયો છે. બનાસકાંઠા જિલ્લો જાણે ગુજરાતનો ક્રાઈમ હબ બનવા આગેકૂચ કરી રહ્યો હોય તેમ જણાઈ રહ્યું છે. ધાનેરા તાલુકાના સિયા ગામમાં દિવસ દરમિયાન એક મહિલાની હત્યા કર્યાની ઘટના પ્રકાશિત થઈ છે.
આ બનાવની જાણ થતાં જ પોલીસ તાત્કાલિક ઘટનાસ્થળે પહોંચી હતી. જ્યાં મહિલાની કુહાડીના ઘા ઝીંકી હત્યા કરી હોવાનું માલુમ પડ્યું હતુ. પોલીસે મૃતક મહિલાની લાશને પોસ્ટમોર્ટમ અર્થે સિવિલ હોસ્પિટલ ખાતે ખસેડી છે. જ્યારે આ મહિલાની હત્યા તેના જ પતિ દ્વારા કરાઈ હોવાની શંકા જતા ગ્રામજનોએ મૃતક મહિલાના પતિની અટકાયત કરી હતી. પોલીસે હત્યાનો ગુનો નોઁધી આગળની તપાસ હાથ ધરી છે.