ડીસા શહેરમાં ચોરને હવે પોલીસનો બિલકુલ ડર રહ્યો નથી. ધોળા દિવસે બેરોકટોકપણે લોકોના ઘરમાં ઘૂસીને ચોરી કરવાની ઘટનાને અંજામ આપતા પણ અચકાતાં નથી. ગુરુવારે ડીસા શહેરમાં આવેલી સોમનાથ ટાઉનશિપમાં એક સનસનીખેજ ઘટના સામે આવી છે. સોમનાથ ટાઉનશિપમાં રહેતા કેયુરભાઇ સોનીના ઘર નજીક છેલ્લા ઘણા સમયથી શંકાસ્પદ વ્યક્તિ આંટાફેરા મારતો હતો. આજે કેયૂરભાઈના ધર્મપત્ની ભાવનાબેન સોની ઘરે હતા, ત્યારે આ શખ્સે ઘરમાં જબરજસ્તી પ્રવેશ કરવાની કોશિશ કરી હતી. પરંતુ તે સમયે કેયૂરભાઈ ઘરમાં હાજર હતા. જેથી કેયૂરભાઈએ આ શખ્સને ઘરમાં બોલાવીને પોલીસને જાણ કરવાની કોશિશ કરતાં આ શખ્સે ત્યાંથી ફરાર થઈ જવાની કોશિશ કરી હતી.
ડીસામાં ચોર ધોળા દિવસે ઘરમાં ઘુસ્યા પછી થયુ ન થવાનું