ડીસામાં જિલ્લાકક્ષાની સોફ્ટબોલ સ્પર્ધા યોજાઈ

બનાસકાંઠા: ગુજરાત સરકાર વિદ્યાર્થીઓ ભણતરની સાથે-સાથે રમત-ગમતમાં આગળ આવે તે હેતુથી દર વર્ષે રમત-ગમતનું આયોજન કરે છે. ડીસામાં જિલ્લાકક્ષાની સોફ્ટબોલ સ્પર્ધાનું આયોજન કરવામાં આવ્યુ હતું.

વિદ્યાર્થીઓ પણ તેની સાથે-સાથે રમત-ગમત જાણતા થાય તે હેતુથી દર વર્ષે ગુજરાત સરકાર દ્વારા રમત-ગમતનું આયોજન કરવામાં આવે છે, ત્યારે આ વર્ષે પણ ડીસાના સ્પોર્ટ કલબ ખાતે સોફ્ટ બોલ સ્પર્ધાનું આયોજન કરવામાં આવ્યું હતું. જેમાં જિલ્લામાંથી અલગ-અલગ શાળાના વિદ્યાર્થી ભાઈ બહેનોએ ભાગ લીધો હતો. ડીસાની ડી.એન. જે આદર્શ હાઈસ્કૂલના વિદ્યાર્થીઓએ સારું પ્રદર્શન કરતા ભાઈઓ અને બહેનોની બંનેની ટીમો પ્રથમ નંબરે રહી હતી. આ ટીમ આગામી સમયમાં ગુજરાત કક્ષાએ રમવા જશે.

સોફ્ટ બોલ સ્પર્ધામાં ડીસાની ટીમે સારું પ્રદર્શન કર્યું હતું. જેમાં ટીમના કૅપ્ટને જણાવ્યું હતું કે, ગત વર્ષે પણ અમારી ટીમ ગુજરાત લેવલ ચેમ્પિયન બની હતી. આ વર્ષે પણ અમારા ખેલાડીઓ સારું પ્રદર્શન કર્યું છે ત્યારે આ વર્ષે પણ ગુજરાત ખાતે યોજાનારી સોફ્ટ બોલ સ્પર્ધામાં ફરી ચેમ્પિયન બનવાની વાત કરી હતી.