મોદી સરકારના શપથગ્રહણ પછી કેટલાક મહત્વના નિર્ણય લેવાયા છે. અગાઉ સરકાર દ્વારા બે હજારથી ઓછી જમીન ધરાવતા ખેડૂતોને વાર્ષિક ૬૦૦૦ ની સહાય આપવામાં આવતી હતી તે સહાય હવે દરેક ખેડૂતોને આપવાનો નિર્ણય લેવાયો છે.
આ સિવાય ખેડૂતો માટે પેન્શન યોજનાની પણ શરૂઆત કરાઈ છે. જેમાં 18 થી 40 વર્ષ સુધીના ખેડૂતોને પેન્શન યોજનામાં વાર્ષિક 55 રૂપિયાનું પ્રીમિયમ ભરનાર ખેડૂતોને 60 વર્ષ બાદ રૂપિયા 3000 નું પેન્શન દર મહિને મળશે. સરકારના આ નિર્ણયથી બનાસકાંઠા જિલ્લાના ખેડૂતોમાં ખુશીનો માહોલ જોવા મળી રહ્યો છે . ધરતીપૂત્રોએ સરકારના આ નિર્ણયને ખેડૂતો વધાવી રહ્યા છે બનાસકાંઠાના ખેડુતોએ જણાવ્યુ હતુ કે, મોદી સરકાર યુવા ખેડૂતોને ખેતીલક્ષી પ્રોત્સાહન પૂરું પાડે તો ભારત દેશમાં હજુ પણ વધુ ખેતી થઇ શકે તેમ છે. તેમજ તેમણે ખાતરના ભાવમાં પણ થોડો ઘટાડો કરવાની માગ કરી હતી જેથી ખેતીમાં વધુ આવક મેળવી શકે તેમ છે...
