ડીસામાં હોમગાર્ડ યુનિટ વચ્ચે કબડ્ડી ટુર્નામેન્ટનું આયોજન કરવામાં આવ્યું

બનાસકાંઠાઃ જિલ્લા હોમગાર્ડ યુનિટ દ્વારા જિલ્લાના તમામ તાલુકાના હોમગાર્ડ યુનિટ વચ્ચે કબડ્ડી ટુર્નામેન્ટનું આયોજન કરવામાં આવ્યું હતું. ગુરૂવારે આ ટુર્નામેન્ટની સેમિફાઇનલ અને ફાઇનલ મેચ ડીસાની SCW હાઇસ્કુલનાં મેદાનમાં યોજાઇ હતી.

બનાસકાંઠા જિલ્લા હોમગાર્ડ દ્વારા ઈન્ટર યુનિટ કબડ્ડી ટુર્નામેન્ટનું આયોજન કરવામાં આવ્યું હતું. જેમાં બનાસકાંઠા જિલ્લાના તમામ તાલુકાની યુનિટ્સે ભાગ લીધો હતો. આ કબડ્ડી ટુર્નામેન્ટની ફાઈનલ તેમજ સેમીફાઈનલ મેચમાં ગુરૂવારે ડીસાની SCW હાઈસ્કુલના મેદાન ખાતે યોજાઇ હતી. જિલ્લા હોમગાર્ડ કમાન્ડન્ટ રમેશભાઈ પંડ્યા અને હોમગાર્ડ PSI એલ એચ વ્યાસ કબડ્ડી ટુર્નામેન્ટમાં ઉપસ્થિતિ રહ્યા હતા.

આ ટૂર્નામેન્ટની ફાઈનલમાં જે ટીમ વિજેતા બનનાર ટીમને ઉત્તર ગુજરાત ઝોનની ટીમ સામે ખેરાલુ તાલુકાના સુંઢિયા ખાતે રમવા મોકલવામાં આવશે. જેમાં શ્રેષ્ઠ કૌશલ્ય દાખવનાર ખેલાડીઓને રાજ્ય કક્ષાએ રમવા મોકલવામાં આવશે.