દુષ્કર્મના આરોપીને કડક સજા કરો, અનુસુચિત જાતીના સમાજની પીઆઈને રજૂઆત

કેશોદ: અરવલ્લી જિલ્લામાં યુવતી સાથે દુષ્કર્મ કર્યા બાદ હત્યાની ઘટનાથી સમગ્ર રાજ્યમાં આક્રોશ જોવા મળી રહ્યો છે. ઘટનાનો વિવિધ શહેરોમાં વિરોધ કરવામાં આવી રહ્યો છે. ત્યારે કેશોદ સમસ્ત અનુસુચિત જાતિ સમાજ દ્વારા કેશોદ પીઆઈ તથા ડીવાયએસપીને સંબોધી લેખીતમાં રજૂઆત કરવામા આવી છે

કેશોદમાં અનુસુચિત જાતિ સમાજ દ્વારા કેશોદના પીઆઈ તથા ડીવાયએસપીને આ અંગે લેખીત રજૂઆત કરવામા આવી છે. જેમાં જણાવ્યું છે કે, યુવતી સાથે દુષ્કર્મ અને હત્યાના આરોપીઓને તાત્કાલિક પકડી તેને કડક સજા કરવામાં આવે અને ભવિષ્યમાં આવી ઘટના ન બને તેની તકેદારી રાખવામાં આવે.