શિક્ષા અભિયાન સંઘના પ્રમુખે કરાવ્યું મુંડન, કહ્યું- NOTAમાં આપીશ મત

અરવલ્લી: લોકસભાની ચૂંટણીના હવે ગણતરીના દિવસો બાકી રહ્યા છે ત્યારે ગુજરાતના કેટલાય ગામડાઓમાં પ્રાથમિક સુવિધાના અભાવે લોકોએ મતદાનથી અળગા રહેવાની ચિમકીઓ ઉચ્ચારી છે. આ વચ્ચે સમગ્ર શિક્ષા અભિયાનના કર્મચારીઓએ પણ સરકારની નીતિ-રીતિથી નિરાશ થઈ NOTAમાં મત આપવાની ચિમકી ઉચ્ચારી છે.

મોડાસા શહેરમાં સમગ્ર શિક્ષા અભિયાન યોજનાના કરાર આધારિત કર્મચારી સંઘના પ્રમુખ અમિત કવિએ રાજ્ય સરકારમાં સમાન કામ સમાન વેતનની માંગ સાથે અનેકવાર રજૂઆત કરી છે. તેમ છતાં તેમના પ્રશ્નોનું નિરાકરણ ન આવતા માથે મુંડન કરી વિરોધ નોંધાવ્યો હતો.

અત્રે ઉલ્લેખનીય છે કે, રાજ્યમાં સમગ્ર શિક્ષા અભિયાન યોજનામાં કરાર આધારિત 22 હજાર જેટલા કર્મચારીઓ કામ કરી રહ્યા છે. આ પ્રસંગે ઉપ પ્રમુખ આશિષ પટેલ અને 50 જેટલા કારોબારી સભ્યો હાજર રહ્યા હતા.