આણંદમાં શાકભાજીના ભાવ આસમાને : ગૃહિણીઓનું બજેટ ખોરવાયું, જૂન મહિનાના અંત સુધીમાં બજારમાં શાકભાજીની આવક ઘટી

વરસાદની સિઝન શરૂ થતાંની સાથે જ આણંદ જિલ્લા સહિત ખંભાત શહેરમાં શાકભાજી (Vegetables)ના ભાવ આસમાને પહોંચી ગયા છે. શાકભાજી બમણા ભાવે વેચાતી હોવાથી ગૃહિણીઓનું બજેટ ખોરવાઈ ગયું છે. હાલમાં સિઝનનો 14 ટકા વરસાદ વરસી જતાં આણંદ જિલ્લામાં કોબીજ, ફ્લાવર, ટામેટા, વાલોર પાપડી, મરચાં સહિત કુલ પાકને મોટાપાયે નુકસાન થયું છે. જેના પગલે બજારમાં શાકભાજી (Vegetables)ની આવક ઘટી ગઇ છે. આથી વેપારીઓને બેંગ્લુરૂ, નાસિક, મહારાષ્ટ્ર, મધ્યપ્રદેશથી શાકભાજી (Vegetables)નો જથ્થો મગાવવાની ફરજ પડી રહી છે.

• આણંદમાં શાકભાજીના ભાવ આસમાને
• જૂન મહિનાના અંત સુધીમાં બજારમાં શાકભાજીની આવક ઘટી ગઈ
• વેપારીઓને બેંગ્લુરૂ, નાસિક, મહારાષ્ટ્ર, મધ્યપ્રદેશથી શાકભાજીનો જથ્થો મગાવવાની ફરજ પડી

આણંદ : APMCના સૂત્રોના જણાવ્યા મુજબ આણંદ શહેર સહિત જિલ્લાભરમાં વરસાદ (Rain) પડતાંની સાથે ખેતરમાં પાણી ભરાઇ જવાથી શાકભાજી (Vegetables) પાકને ભારે નુકસાન થયું હતું. સામાન્ય દિવસોમાં પ્રત્યેક ખેડૂત 60થી 70 જેટલા શાકભાજીના પ્લાસ્ટીક બેગના પોટલા લઇને સામરખા ચોકડી શાકમાર્કેટ (Vegetable market)માં વેચાણ કરવા માટે આવતાં હતા. જે હાલમાં વરસાદને (Rain) કારણે જૂન મહિનાના અંત સુધીમાં બજારમાં શાકભાજી (Vegetables)ની આવક ઘટી ગઈ છે. જેને પગલે બીજા રાજ્યમાંથી શાકભાજી (Vegetables)ની આયાત કરવી પડે છે. આણંદ શહેરમાં દરરોજ બેંગ્લુરૂથી 300 કેરેટ જેટલા ટામેટા મગાવવામાં આવી રહ્યાં છે.

આણંદમાં વરસાદથી શાકભાજીનો પુરવઠો ખોરવાતા ભાવ આસમાને

આ પણ વાંચો : રાજકોટ ગૃહીણી માટે માઠા સમાચાર, શાકભાજીના ભાવમાં થયો બમણો વધારો

ખરીદનાર અને ઉત્પાદન કરનાર બન્નેને નુકસાન થઈ રહ્યું છે

રિટેલ માર્કેટમાં શાકભાજી (Vegetables)ના ભાવ ડબલ થઇ જતાં ગૃહિણીઓને આર્થિક નુકસાન થઈ રહ્યું છે. દુઃખની વાત એ છે કે, શાકભાજી (Vegetables)માં થયેલા વધારાનો ફાયદો ખેડૂતોને નહીં, પરંતુ વેપારીઓને થયો છે. આમ ખરીદનાર અને ઉત્પાદન કરનાર બન્નેને નુકસાન થઈ રહ્યું છે.

શાકભાજીના ભાવ

શાકભાજી	જૂના ભાવ	હાલના ભાવ
રીંગણ	8થી 10	40થી 50
કારેલા	20	60થી 70
મરચાં	13	25થી 30
તુવેર	60થી 70	140થી150
ભીંડા	15	20થી 25
ટામેટા	10	18થી 20
ધાણા	20	40થી 50
મેથી	35	80થી100
સિમલા મરચા	30	50થી 60
કાકડી	20	40થી 50
ફણસી	50	80થી 100
કોબીજ	15	30થી 40
વટાણા	50	100
વાલોર	45	80થી 100
તુંરિયા	38	60થી 80
ઘીલોડા	40	60
ગુવાર	30	60થી 80

આ પણ વાંચો : સુરતમાં કાપડ માર્કેટ ખોલવાની મંજૂરી મેળવવાં માટે ટેક્સટાઈલ એસોસિએશને કલેક્ટરને પત્ર લખ્યો

ડિઝલના ભાવની અસર શાકભાજી પર પડી

આણંદ શહેર સહિત ખંભાતમાં વરસાદ (Rain)ની સાથે કોરોના કહેરને પગલે શાકભાજી (Vegetables)નું વેચાણ કરતાં વેપારીઓને નુકસાનીઓનો ભોગ બનવું પડ્યું છે. હાલમાં મોંઘવારી વધી રહી છે. ડિઝલના ભાવ વધી જતાં ટ્રાન્સપોર્ટેશન મોઘું હોવા છતાં આણંદના વેપારીઓ બજારમાં ટામેટા પુરો પાડવા માટે 300 કેરેટ બેંગ્લોર અને મહારાષ્ટ્રથી ટ્રક મારફતે મગાવવામાં આવ્યા હતા. વેપારીઓને રૂપિયા 40 કિલો લેખે રીટેલ ભાવે વેચાણ કરવાની ફરજ પડી હતી.

આણંદમાં વરસાદથી શાકભાજીનો પુરવઠો ખોરવાતા ભાવ આસમાને