કૃષિ યુનિ. અને IRMA દ્વારા નવા શૈક્ષણિક કાર્યક્રમનો પ્રારંભ કરાશે

આણંદ: કૃષિ યુનિવર્સિટી અને ઇન્સ્ટિટ્યૂટ ઓફ રૂરલ મેનેજમેન્ટ આણંદ દ્વારા એક નવો પાંચ વર્ષનો સંકલિત પોસ્ટ ગ્રેજ્યુએટ ડિપ્લોમા ઇન ડેરી મેનેજમેન્ટ શૈક્ષણિક કાર્યક્રમ ચાલુ વર્ષથી શરૂ કરવામાં આવ્યો છે. જે માટે એક મેમોરેન્ડમ ઓફ અન્ડરસ્ટેન્ડિંગ (MOU) પર હસ્તાક્ષર કરવામાં આવ્યા છે.

આણંદ એગ્રીકલ્ચર યુનિવર્સીટી અને ઇન્સ્ટીટ્યુટ ઓફ રૂરલ મેનેજમેન્ટ દ્વારા ડિઝાઇન કરવામાં આવેલા પોસ્ટ ગ્રેજ્યુએટ ડિપ્લોમા ઇન ડેરી મેનેજમેન્ટ પ્રોગ્રામથી ડેરી ટેક્નોલોજીને dairy મેનેજમેન્ટની તાલીમ આપી ટેક્નોલોજી અને મેનેજમેન્ટ એમ બંનેનું જ્ઞાન વિદ્યાર્થીઓને આપવામાં આવશે. ભવિષ્યમાં ડેરી ક્ષેત્રે થનારા વિકાસમાં ઉપયોગી થઈ શકે તેવા તજજ્ઞો તૈયાર કરવા માટે અત્યારથી કામગીરી હાથ ધરવામાં આવી છે.

સમગ્ર વિશ્વમાં ભારત જ એક એવો દેશ છે જેમાં ડેરી ટેકનોલોજી અંગેનું સ્નાતક અને અનુસ્નાતક કક્ષાએ શિક્ષણ આપવામાં આવે છે. આથી, ખાસ પ્રકારની ડેરીઉદ્યોગ અંગેનું શિક્ષણ ભારતમાં 1923થી ચાલુ થયેલું છે. આણંદ એગ્રીકલ્ચર યુનિવર્સીટીમાં ચાલતા કોર્સ BSC ડેરી ટેકનોલોજીના વિદ્યાર્થીઓને આવનારા સમયમાં ડેરી ઉદ્યોગમાં આવનારી ક્રાંતિ માટે તૈયાર કરી શકાય તેવો કોર્સ આણંદ એગ્રીકલ્ચર યુનિવર્સિટી અને ઇન્સ્ટીટ્યુટ ઓફ રૂરલ મેનેજમેન્ટ દ્વારા તૈયાર કરવામાં આવ્યો છે. આ કોર્ષ ડેરી ઈન્ડસ્ટ્રીમાં સ્નાતકનો અભ્યાસ કરનારા વિદ્યાર્થીઓને પ્રથમ વર્ષના કોર્સને બી.ટેક ડેરી ટેકનોલોજીના ચાર વર્ષમાં વિભાજિત કરી દેવામાં આવશે. જ્યારે પાંચમા વર્ષનો અભ્યાસક્રમ ફક્ત મેનેજમેન્ટ સંલગ્ન વિષયોનો રહેશે. આ કાર્યક્રમમાં જે વિદ્યાર્થીઓએ એસ.એમ.સી કોલેજ ઓફ સાયન્સ આણંદ એગ્રીકલ્ચર યુનિવર્સીટી તથા એનડીઆરએફની કર્નલ બી.ટેક ડેરી ટેક્નોલોજીસ્ટમાં પ્રવેશ મળ્યો હશે તેઓની પસંદગી કરવામાં આવશે. આ બંને સંસ્થાઓને 20-20 બેઠક ફાળવવામાં આવેલી છે. આમ, કુલ બે વર્ષે 40 વિદ્યાર્થીઓ વિશેષ ડિગ્રી સાથે PGDDMનો કોર્સ પૂર્ણ કરશે જેની પ્રથમ બૅચ વર્ષ 2024 સુધી બહાર આવશે તેવી સંભાવનાઓ છે.