આણંદઃ વૈશ્વિક મહામારી સમાન કોરના વાઈરસથી બચવા સાવચેતીના ભાગરૂપે ભારત સરકાર દ્વારા 21 દિવસ માટે સમગ્ર ભારત lockdown જાહેર કરવામાં આવ્યું છે. આ દરમિયાન નાગરિકોને પ્રાથમિક સુવિધાઓ મળી રહે તે માટે પણ તંત્ર દ્વારા વ્યવસ્થા કરવામાં આવતી હોય છે.
બપોરે 2 વાગ્યા પછી દુકાનો બંધ રાખવાનો આદેશ
તંત્રએ કરેલી વ્યવસ્થાના ભાગરૂપે આણંદ જિલ્લામાં વહીવટી તંત્ર દ્વારા જાહેરનામું બહાર પાડી વેપારીઓને બપોરનાં 2 કલાક સુધીનો સમય આપવામાં આવ્યો છે. જેથી વ્યવસ્થા જાળવવામાં તંત્રને સરળતા રહે. જેના ભાગરૂપે વેપારીઓ દ્વારા પણ બે કલાકે દુકાનો બંધ કરીને તંત્રને સહયોગ આપવામાં આવી રહ્યો છે.