અમરેલી SOGએ તડીપાર આરોપીની કરી ધરપકડ

અમરેલીઃ સાવરકુંડલા બાયપાસ મફતપરા નજીક પોતાના રહેણાક મકાન પાસેથી પોલીસે તડીપાર શખ્શને ઝડપી લીધો છે. પોલીસે આરોપી સામે કોર્ટના અનાદરને લઇને ગુનો નોંધી કાયદેસરની કાર્યવાહી હાથ ધરી છે.

અમરેલી તાલુકા પોલીસ મથકની હદ વિસ્તારના મફતપરા સાવરકુંડલા રોડ ઉપર પોલીસ પેટ્રોલીંગમાં હતી. તે દરમિયાન અમરેલી, જુનાગઢ, રાજકોટ, ભાવનગર, બોટાદ અને ગીર સોમનાથ જિલ્લામાંથી બે વર્ષની મુદત માટે હદપાર કરેલો શખ્શ પોલીસની નજરે ચઢ્યો હતો. પોલીસે તેને ઝડપી કોર્ટના હુકમને ભંગ કરવા બદલ તેની ગુનો નોંધી આગળની કાર્યવાહી હાથ ધરી છે.

પોલીસના હાથે પકડાયેલ આરોપી લખુ માથાસુળીયા સામે ઢોર ચોરીના 6 અને મારામારીના ગુના મળી કુલ 7 ગુનાઓ નોંધાયા છે. જેને અમરેલી SDMની કોર્ટ દ્વારા સુરતમાં તડીપાર કરાયો હતો.