અમરેલીના શેખપીપરિયા ગામમાં 3 હજાર વૃક્ષનો કરાયો ઉછેર

અમરેલી : સરકાર દ્વારા પાણી બચાવવા અને વૃક્ષોનું વાવેતર કરવાના અભિયાનને ખરા અર્થમાં અમરેલી જિલ્લાએ સાર્થક કર્યું હતું. અમરેલી જિલ્લામાં આવેલા શેખપીપરિયા ગામમાં 3 હજાર વૃક્ષોનું વાવેતર કરવામાં આવ્યું છે. સાથે જ ચોમાસામાં પાણીનો સંગ્રહ કરીને 17 તળાવડીઓ ચોમાસાના પ્રથમ વરસાદમાં જ ભરી લેવામાં આવી છે. આ સાથે જ શેખપીપરિયા ગામે જળહરિત ક્રાંતિ સર્જી છે.

ગામના યુવાધનથી લઈને મજુરો તેમજ ખેડૂતોના શ્રમદાન સાથે શેખપીપરિયાના સખીદાતાઓના ઉદાર દાન અને સરકારના સુજલામ સુફલામ યોજનાને ખરા અર્થમાં સાર્થક કરી છે. ચોમાસાના પ્રથમ વરસાદમાં જ 17 જેટલા નાના-મોટા તળાવો પાણીથી ભરાઈ ગયા છે.

આ ઉપરાંત ખેડૂતોને આર્થિક રીતે સમૃદ્ધ કરવા માટે જળહરિત ક્રાંતિ જિલ્લાના શેખપીપરિયા ગામમાં જોવા મળી છે. બીજી બાજુ 3 હજાર વૃક્ષનો ઉછેર કરીને પર્યાવરણ બચાવવાનો સંકલ્પ સાકાર કરવાની ખુશી શેખપીપરિયા ગામના સરપંચે વ્યક્ત કરી હતી.