અમદાવાદમાં અમિત શાહના નામે ફેફ ટ્વીટ કરનાર આરોપીઓની ક્રાઇમ બ્રાન્ચે કરી ધરપકડ

કેન્દ્રીય ગૃહપ્રધાન અમિત શાહને બોન કેન્સર થયું હોવાનું બોગસ ટ્વિટ ઈમેજ તૈયાર કરી ફેક મેસેજ વાઇરલ કરનાર ચાર શખ્સને અમદાવાદ શહેર ક્રાઈમ બ્રાન્ચે ઝડપી લીધા છે. જેમાં ભાવનગર અને અમદાવાદના વ્યક્તિઓ હોવાનું જાણવા મળ્યું છે. આ ટ્વીટ ઈમેજને પગલે દેશભરના અમિત શાહના સમર્થકો આઘાતમાં સરી પડ્યા હતા. વિરોધીઓ દ્વારા આ બોગસ મેસેજને પગલે એલફેલ કોમેન્ટ કરી હતી. આ મામલે અમદાવાદ શહેર ક્રાઈમ બ્રાન્ચની ટીમ હરકતમાં આવી હતી. જેને પગલે એક્શન પ્લાન બનાવી 4 ઇસમોને દબોચી લીધા હતા.

અમદાવાદ : આરોપીઓએ અમિત શાહના ટ્વીટર એકાઉન્ટની બોગસ ઈમેજ બનાવીને અમિત શાહના નામનો ફેક મેસેજ સોશિયલ મીડિયામાં મૂક્યો હતો. જેમાં હિન્દીમાં લખ્યું હતું કે "મેરે દેશ કી જનતા, મેરે દ્વારા ઉઠાયા ગયા હર એક કદમ દેશ હિત મે રહા હૈ. મેરા કિસી જાતી યા ધર્મ વિશેષ સે કોઈ દુશ્મની નહીં હૈ. કુછ દીનો સે બીગડે સ્વાસ્થ્ય કે ચલતે દેશ કી જનતા કી સેવા નહીં કર પા રહા હું. યહ બતાતે દુઃખ હો રહા હૈ, મુજે ગલે કે પીછલે હિસ્સે મે બોન કેન્સર હુઆ હૈ. મે આશા કરતા હું, રમઝાન કે ઈસ મુબારક મહિને મે મુસ્લિમ સમાજ કે લોગ ભી મેરે સ્વાસ્થ્ય કે લીયે દુવા કરેંગે ઔર જલ્દી હી સ્વસ્થ હો કર આપકી સેવા કરૂંગા."

અમિત શાહનું બોગસ ટ્વીટ

જો કે આ મેસેજથી સોશિયલ મિડિયા પર વિવિધ કોમેન્ટો શરૂ થઈ હતી. આ મામલે અમદાવાદ ક્રાઈમ બ્રાન્ચે ગણતરીના કલાકોમાં ફેક ટ્વીટ ઈમેજ વાઇરલ કરનારને પકડી લીધો છે. જેમાં બે અમદાવાદના આરોપી ફિરોઝખાન જાફરખાન પઠાણ અને સરફરાઝ અબ્દુલ મજીદ મેમણ જ્યારે ભાવનગરના બે સજાદઅલી બચુભાઈ નાયાણી અને સીરાજ હુસૈન મહેમદઅલી વિરાણીની હાલ અટકાયત કરવામાં આવી છે. જેમની ક્રાઇમ બ્રાન્ચ દ્વારા પૂછપરછ કરવામાં આવી રહી છે.

અમિત શાહનો સંદેશો

બીજી તરફ અમિત શાહે ટ્વિટ કરીને પોતાના નિવેદનમાં કહ્યું હતું કે, છેલ્લા કેટલાક દિવસોથી કેટલાક મિત્રો સોશિયલ મીડિયાના માધ્યમથી મારા સ્વાસ્થ્ય વિશે ઘણા પ્રકારની ખોટી અફવા ફેલાવી રહ્યા છે. અહીં સુધી કે કેટલાક લોકોએ મારા મૃત્યુ માટે પણ ટ્વિટ કરીને દુઆ માગી છે. દેશ હાલના સમયે કોરોના વાઇરસ જેવી વૈશ્વિક મહામારી સામે લડી રહ્યો છે અને દેશના ગૃહમંત્રી હોવાના નાતે મોડી રાત સુધી પોતાના કાર્યમાં વ્યસ્ત રહેવાના કારણે મેં આ બધી બાબતો પર ધ્યાન આપ્યું નહોતું. જ્યારે આ મારા ધ્યાનમાં આવ્યું તો મેં વિચાર કર્યો કે, બધા લોકો પોતાના કાલ્પનિક વિચારનો આનંદ લઈ રહ્યા છે, તેથી મેં કોઈ સ્પષ્ટતા કરી ન હતી.તેમણે આગળ કહ્યું હતું કે, મારી પાર્ટીના લાખો કાર્યકર્તાઓએ અને મારા શુભચિંતકોએ બે દિવસોથી ઘણી ચિંતા વ્યક્ત કરી હતી, તેમની ચિંતાને હું નજર અંદાજ કરી શકું નહીં. તેથી હું આજે સ્પષ્ટ કરવા માંગીશ કે હું પૂર્ણ રુપથી સ્વસ્થ છું અને મને કોઈ બીમારી નથી. હિન્દુ માન્યતાઓના મતે એવું માનવું છે કે આ પ્રકારની અફવાઓ સ્વાસ્થ્યને વધારે મજબૂત કરે છે. તેથી હું આવા બધા લોકોને આશા કરું છું કે તે આવી નકામી વાત છોડીને મને મારું કાર્ય કરવા દે અને પોતે પણ પોતાનું કામ કરશે. મારા શુભચિંતકો અને પાર્ટીના બધા કાર્યકર્તાઓની મારી હાલચાલ પૂછતા અને મારી ચિંતા કરવા માટે હું આભાર વ્યક્ત કરું છું. જે લોકોએ આ અફવા ફેલાવી છે તેમના પ્રત્યે મને દૂર્ભાવના કે દ્વેષ નથી. તમારો પણ આભાર.