પાઠ્યપુસ્તકમાં ગંભીર છબરડો સામે આવતા કોંગ્રેસે સરકાર પર કર્યા પ્રહાર

પાઠ્યપુસ્તકમાં થતાં છબરડામાં વધુ એક ઉમેરો થયો છે. ધોરણ-7ની સામાજિક વિજ્ઞાનના પુસ્તકમાં સરિતા ગાયકવાડને બદલે વનિતા ગાયકવાડનો ફોટો છાપવામાં આવ્યો છે. જેને લઈને કોંગ્રેસ પ્રવક્તા મનીષ દોશીએ સરકારને આડે હાથ લીધી હતી. તેમણે કહ્યું હતું કે, આ પ્રકારની ભૂલો વારંવાર થાય છે. તેમ છતાં તંત્ર દ્વારા નક્કર પગલાં લેવામાં આવતા નથી. સરકારની આવી કામગીરી જ દર્શાવે છે કે, તેઓ બાળકોના ભવિષ્યને કેટલાં ગંભીર છે.

અમદાવાદઃ ગુજરાતમાં પાઠ્યપુસ્તકમાં વધુ એક ગંભીર છબરડો સામે આવ્યો છે. ધોરણ સાતના સામાજિક વિજ્ઞાનના પુસ્તકમાં ગુજરાતની પ્રખ્યાત ગાયકવાડના નામને લઇ ગંભીર ભૂલ કરવામાં આવી છે. સરિતા ગાયકવાડને બદલે વનિતા ગાયકવાડનો ફોટો છાપવામાં આવ્યો છે. જેને લઈ કોંગ્રેસ પક્ષ દ્વારા આ મુદ્દે સરકાર પર આકરા પ્રહાર કરવામાં આવ્યા છે.

પાઠ્યપુસ્તક મંડળ દ્વારા છબરડો થયો હોય તેવી આ પ્રથમ ઘટના નથી. આ પહેલાં પણ અનેક પુસ્તકોમાં ગંભીરમાં ગંભીર છબરડા સામે આવ્યા છે. પાઠ્યપુસ્તક મંડળે અગાઉ કરેલી ભૂલ ઉપર જો એક નજર કરીએ તો તેનું પણ એક લાંબુ લચક લીસ્ટ જોવા મળે છે.

ધોરણ 12ના ગુજરાતી માધ્યમના ભાષાના પુસ્તકમાં એક જ પાઠમાં 75 ભૂલો સામે આવી હતી. જેમાં વ્યાકરણ પર્યાય શબ્દ સહિત અનેક જોડણીઓ નિગમ ભૂલોનો સ્વીકાર પણ કરાયો હતો. જેને લઇ શુદ્ધિપત્રક પણ બહાર પાડવામાં આવ્યું હતું.

પાઠ્ય પુસ્તકના છાપકામમાં થયેલી ગંભીર ભૂલો....

1. ધોરણ 12ના સંસ્કૃતના પુસ્તકમાં રાવણને બદલે રામે સીતાનું અપહરણ કર્યાનો ઉલ્લેખ કરવામાં આવ્યો હતો
2. ધોરણ 6ના સામાજિક વિજ્ઞાનના પુસ્તકમાં ગુજરાત રાજ્યના નકશામાં 33ના બદલે માત્ર 26 જિલ્લાઓનો જ સમાવેશ કરાયો
3. ધોરણ 9ના હિન્દીની પુસ્તકમાં હેવાન ઈસુ શબ્દ લખાતા ભારે વિવાદ સર્જાયો હતો
4. ધોરણ 4 ના હિન્દી માધ્યમના પુસ્તકમાં રોજા એટલે ઝાડા ઉલટીની બીમારી હોવાનો ઉલ્લેખ કર્યો હતો.

આમ, વારંવાર પાઠ્ય પુસ્તકમાં છાપકામ થતી ભૂલોના કારણે અનેક વિવાદ સર્જાયા છે. તે છતાં તંત્રની કામગીરી પર કોઈ ખાસ ફેરફાર જોવા મળતો. ઉલ્ટાનું આ પ્રકારની ભૂલોમાં દિવસેને દિવસે વધારો થતો જોવા મળે છે. તેના પરથી થાય છે, પાઠ્ય પુસ્તકના મંંડળ રામ ભરોસે જ ચાલી રહ્યું છે.

એક તરફ રાજ્ય સરકાર શિક્ષણને લઈને મોટી મોટી બડાઈ હાંકતા જોવા મળે છે. તો બીજી તરફ પાઠ્ય પુસ્તકમાં થતાં છબરડાઓ અંગે કોઈ કાર્યવાહી થતી નથી. જે સરકારી કામચલાઉ કામગીરી દર્શાવે છે.