પ્લેન હાઈજેક કેસમાં સાબરમતી જેલના કેદી બિરજુ સલ્લા પાસેથી મોબાઇલ મળ્યો

અમદાવાદઃ સાબરમતી જેલની અંદરથી કેદીઓ પાસેથી અવાર-નવાર મોબાઈલ ફોન મળી આવે છે. ત્યારે પ્લેન હાઈજેક કેસમાં કેદી બિરજુ સલ્લાની બેરેકના ચેકીંગ દરમિયાન મોબાઈલ ફોન મળી આવ્યો છે. જે અંગે રાણીપ પોલીસ સ્ટેશનમાં ફરિયાદ નોંધવામાં આવી છે. સાબરમતી સેન્ટ્રલ જેલની સુરક્ષા સામે સવાલ થાય તેવો કિસ્સો સામે આવ્યો છે.

પ્લેન હાઈજેક જેવા ગંભીર ગુનામાં સજા ભોગવી રહેલા બિરજુ સલ્લા નામના કેદી પાસેથી મોબાઈલ મળી આવ્યો છે. સાબરમતી જેલમાં રાબેતા મુજબના ચેકિંગન દરમિયાન જેલની જૂની ખોલી નંબર-1 માંથી મોબાઈલ મળી આવ્યો છે. આ અંગે રાણીપ પોલીસ સ્ટેશનમાં બિરજુ સલ્લા વિરૂદ્ધ ફરિયાદ પણ નોંધવામાં આવી છે. જેલમાં બિરજુ સલ્લા પાસેથી મોબાઈલ મળી આવતા અનેક સવાલો ઉભા થયા છે.