7થી 14 જાન્યુઆરી 2020 દરમિયાન અમદાવાદના રિવરફ્રન્ટ ગ્રાઉન્ડ, વલ્લભસદન ખાતે યોજાનારા આંતરરાષ્ટ્રીય પતંગ મહોત્સવમાં 43 દેશના 153 પતંગબાજો અને ભારતના 12 રાજ્યના 115 પતંગબાજો ભાગ લેશે. આ સાથે જ અનેક સાંસ્કૃતિક કાર્યક્રમોનું પણ આયોજન કરવામાં આવશે.
સવારે 10થી સાંજે 4 વાગ્યા સુધી પતંગ ઉડાડવામાં આવશે. આર્જેન્ટિના, ઓસ્ટ્રેલિયા, બ્રાઝિલ, કંબોડિયા અને કેનેડા જેવા દેશોમાંથી પતંગબાજો આ સ્પર્ધામાં ભાગ લેશે. જ્યારે ભારતના બિહાર, દિલ્હી, કર્ણાટક, કેરળ, મહારાષ્ટ્ર અને પંજાબ રાજ્યમાંથી લોકો આ સ્પર્ધામાં ભાગ લેશે. ગુજરાતની વાત કરવામાં આવે તો અમદાવાદ, વડોદરા, સુરત, રાજકોટ, ભુજ અને માંડવી જેવા શહેરોમાંથી પતંગબાજો અહીં આવશે.
