SSA અધિકારી બની અમેરિકન નાગરિકો સાથે છેતરપિંડી કરતા 4 શખ્સોની પોલીસે કરી ધરપકડ

અમદાવાદ: શહેરમાં બોગસ કોલ સેન્ટર ચાલવાનો કિસ્સો ચાલુ છે ત્યારે સાયબર ક્રાઈમ દ્વારા વધુ એક કોલ સેન્ટર ઝડપ્યું હતું. જેમાં આરોપીઓ અમેરિકાના નાગરિકો સાથે SSA અધિકારી બનીને વાત કરતા હતા અને છેતરપિંડી કરી પૈસા પડાવતા હતા.

મળતી માહીતી અનુસાર સાયબર ક્રાઇમ દ્વારા ઝડપાયેલા આરોપીઓ અમદાવાદમાંથી જ અમેરિકન નાગરિકોને SSA અધિકારી બનીને કોલ કરતા હતા અને ત્યારબાદ ધમકાવી પૈસા પડાવતા હતા.આરોપીઓ એટલા હોશિયાર હતા કે પોલીસથી બચવા ઘરમાં બેસીને કોલ સેન્ટર ચલાવતા હતા અને સમયાંતરે ઘર પણ બદલી નાખતા હતા.

આરોપીઓ આઇ ટયુંન કાર્ડ અને ગિફ્ટ કાર્ડ દ્વારા અમેરિકન નાગરિકો પાસેથી પૈસા પડાવતા હતા.પોલીસે આ તમામ આરોપીઓની ધરપકડ કરી તેમની પાસેથી લેપટોપ અને મોબાઈલ ફોન પણ કબ્જે કરવામાં આવ્યા છે.