દેત્રોજ પોલીસ સ્ટેશનમાં પ્રોહીબિશનના ગુનામાં ફરાર આરોપી બનાસકાંઠાથી ઝડપાયો

ચાર વર્ષથી દેત્રોજ પોલીસ સ્ટેશનમાં નોંધાયેલા પ્રોહીબિશન (દારૂ)ના ગુનામાં ફરાર આરોપીની લાંબા સમયથી ચાલી રહેલી શોધખોળ પર પૂર્ણવિરામ મુકાયું છે. ત્યારે દેત્રોજ પોલીસને આ અંગે બાતમી મળતા આરોપીને ઝડપી પાડવામાં આવ્યો હતો.

વિરમગામ: IGP કે.જી ભાટિયા, વિરમગામ ડિવિઝનના એ.એસ.પી ડૉ. લવીના સિંહાના માર્ગદર્શન હેઠળ જિલ્લાના ગ્રામ્ય વિસ્તારોમાંથી દારૂ-જુગારની બદી નાબૂદ કરવાના હેતુથી છેલ્લા ચાર વર્ષથી ફરાર આરોપીની શોધખોળ કરવામાં આવી રહી હતી.

આ આરોપી દેત્રોજ પોલીસ સ્ટેશનમાં પ્રોહીબિશન (દારૂ)ના ગુના હેઠળ નોંધાયો હતો. ત્યારે દેત્રોજ પોલીસ સ્ટેશનના PSI નીનામાને આ અંગે બાતમી મળતા દેત્રોજ પોલીસ ટીમે બનાસકાંઠાના થરા ગામમાંથી આરોપીને ઝડપી લીધો હતો.