શું ડમ્પિંગ વાહનોમાં નંબર પ્લેટની જરૂર નથી? કાયદો તો બધાને લાગુ પડે જ ને...!

અમદાવાદ: પીરાણા તેમજ આસપાસના વિસ્તારોમાં ડંપીંગ સ્ટેશનના કોન્ટ્રાક્ટરની ગાડીઓમાં 80% ટ્રેક્ટર અને ટ્રકો તેમજ અન્ય ગાડીઓમાં પાછળના ભાગમાં નંબર પ્લેટ હોતી નથી. ત્યારે પ્રશ્ર એ થાય કે શું નિયમો બધા સામાન્ય જનતા માટે જ હોય છે.

જ્યારે નાગરિકોના વાહનોમાં PUC, નંબર પ્લેટ કે મિરર ન હોય તો પણ પોલીસ મેમો આપતી હોય છે. ત્યારે આ કોન્ટ્રાક્ટરોની સાઠ ગાંઠ અથવા તો તેમના સંબંધો કેટલા ઉપર સુધી હોઈ શકે છે, કે તેઓ ખુલ્લેઆમ બેરોકટોક નારોલ અને વિશાલા બંને બાજુથી પોલીસ સ્ટેશનની સામેથી જ નીકળે છે અને દાણીલીમડા પોલીસ સ્ટેશનથી વળી જાય છે માટે ચારે બાજુ પોલીસ સ્ટેશનની વચ્ચેથી જ પસાર થતા હોવા છતાં તેમને ક્યારે કોઈ મેમો આપવામાં આવતો નથી.

કચરો ભરવા માટેની ટકો,ટ્રેક્ટર ઉપરાંત ડસ્ટ લેવા માટેની મોટી ગાડીઓ તથા ક્રેનોમાં અને જેસીબી મશીનોમાં પણ પાછળ નંબર પ્લેટ હોતી નથી. ત્યારે સવાલ એ છે કે, જ્યારે આવા વાહનો અકસ્માત કરીને બેફામ ભાગી જઈ શકે છે, ત્યારે CCTV હોવા છતાં પણ નંબર પ્લેટ ન હોવાથી કઈ કરી શકતું નથી. ત્યારે અમદાવાદની જનતા ભગવાનના ભરોસે જીવે છે એમ કહી શકાય.