અમદાવાદમાં આજે સાંજે 6 વાગ્યાની આસાપાસ વાતાવરણમાં અચાનક પલટો આવ્યો હતો. જેને લઇને શહેરમાં વાદળછાયા વાતાવરણ સાથે ભારે પવન પણ ફુંકાયો હતો. અમદાવાદના એસ.જી. હાઇવે, ગોતા, બોપલ, સેટેલાઇટ, જેવા વિસ્તારોમાં ભારે પવનને કારણે ધૂળની ડમરીઓ પણ ઉડી હતી.
ધૂળની ડમરીઓને કારણે વાહનચાલકોને વાહન ચલાવવામાં થોડી તકલીફનો સામનો કરવો પડ્યો હતો. પરંતુ ભારે પવન સાથે વરસાદી છાંટા પડતા અમદાવાદીઓએ થોડી ક્ષણ પ્રથમ વરસાદી છાંટાનો આનંદ અને લ્હાવો માણ્યો હતો. આમ, આજે અચાનક વાતાવરણમાં બદલાવ જોવા મળ્યો છે. જ્યારે આજે ભારે પવન સાથે વરસાદી છાંટામાં અમદાવાદમાં ગરમીના વાતાવરણમાં થોડી ઠંડક પ્રસરી હતી.
