અમદાવાદમાં ડાન્સ ગ્રુપે કર્યો ભાજપનો ચૂંટણી પ્રચાર

અમદાવાદ: લોકસભાની ચૂંટણીના પડઘમ પૂરજોશમાં ચાલી રહ્યાં છે, ત્યારે કોંગ્રેસ અને ભાજપ લોકસભા બેઠક ચૂંટણીની બેઠકો જીતવા માટે મંડી પડ્યા છે. આ દરમિયાન ભારતીય જનતા પાર્ટી દ્વારા લોકસભા ચૂંટણીને ધ્યાનમાં રાખીને એક ડાન્સ ગ્રુપ તૈયાર કરવામાં આવ્યું છે.

અમદાવાદમાં આવેલા નરોડાના કૃષ્ણનગર ખાતે આવા જ એક ડાન્સ ગ્રુપ દ્વારા પરફોર્મ કરવામાં આવી રહ્યું હતું. આ ડાન્સ ગ્રુપ દ્વારા ફિલ્મી ગીતોની સાથે સાથે વડાપ્રધાન નરેન્દ્ર મોદીના તેમજ બીજેપીના એમ મળીને મિક્સ ગીત બનાવવામાં આવ્યા હતા.

આ ડાન્સ ગ્રુપ દ્વારા પરફોર્મ કરીને જનમેદનીને મનોરંજન પૂરું પાડ્યું હતું. સાથે બીજેપીના ગીત દ્વારા બીજેપીનો પ્રચાર પણ કર્યો હતો.