અમદાવાદ : હાલમાં 705 બસમાંથી ફક્ત 50નો ઉપયોગ શાકભાજીની હેરાફેરી માટે, મેડિકલ સાધનોની હેરાફેરી માટે કે પછી મેડિકલ સ્ટાફની સેવા માટે વપરાઇ રહી છે. જ્યારે બાકીની બસ AMTSના ડેપોમાં અને વર્કશોપમાં પડી છે. આ તમામ બસને સેનિટાઈઝ કરાયા બાદ તેને તેના યોગ્ય સ્થાને મૂકવામાં આવી હતી.
આ વચ્ચે તમામ બસ કામ કરતી રહે તે માટે સતત મિકેનિકો દ્વારા તેની દેખરેખ રાખવામાં આવે છે. દરરોજ તેને ચાલુ કરવામાં આવે છે. જ્યારે પણ લોકડાઉન ખુલશે કે સરકાર દ્વારા લોકડાઉનમાં વધારે બસોની સુવિધા પૂરી પાડવા માટે માગ કરવામાં આવશે, ત્યારે આ બસને ફરી વખત ધોઈે અને સેનિટાઈઝ કરીને ઉપયોગમાં લેવામાં આવશે.
સરકાર દ્વારા જાહેર પરિવહનનીની છૂટ આપવામાં આવશે, ત્યારે સરકારની ગાઈડ લાઈન પ્રમાણે તેને ચલાવવામાં આવશે. લોકડાઉન બાદ હાલ તો ભાડામાં વધારાનો નિર્ણય લેવાયો નથી. તેવુ AMTSના ચેરમેન અતુલ ભાવસારે જણાવ્યું હતું.