મેલબોર્નઃઓસ્ટ્રેલિયામાં T20 વર્લ્ડ કપનો (T20 World Cup) રોમાંચ શરૂ થઈ ગયો છે. જોકે વિશ્વભરના ચાહકો 23 ઓક્ટોબરે મેલબોર્નમાં યોજાનારી ભારત અને પાકિસ્તાન વચ્ચેની મેચની રાહ જોઈ રહ્યા છે. આ મેચ માટે ટીમ ઈન્ડિયા (Team India) મેલબોર્ન પહોંચી ગઈ છે. ટીમ ઈન્ડિયાT20 વર્લ્ડ કપ 2022 (T20 World Cup 2022) માટે સખત મહેનત કરી રહી છે. શુક્રવારે, BCCIએ એક તસવીર ટ્વીટ કરી જેમાં ટીમ મેદાનમાં પ્રેક્ટિસ કરી રહી છે. પાકિસ્તાન મેચ પહેલા ભારતીય ટીમનું આ પ્રથમ પ્રેક્ટિસ સેશન છે.
ભારત પાકિસ્તાન મેચનું ટાઈમટેબલ: ભારતીય ટીમના પ્રવાસની વાત કરીએ તો પાકિસ્તાન બાદ ભારતે 27મીએ મેચ રમવાની છે. આ પછી, તે 30મીએ રમવાની છે, એટલે કે, ભારતનો સમયપત્રક ભરેલો છે અને એવી અપેક્ષા રાખવામાં આવે છે કે ટીમ ઈન્ડિયા માત્ર જીત જ નહીં નોંધાવે પરંતુ મોટી જીત સાથે સુપર 4માં પહોંચશે.