ક્રિકેટ પ્રેમીઓની આતુરતાનો અંત, IPLનું શેડ્યુલ જાહેર

IPLની 13મી સિઝનનું શેડ્યુલ રવિવારે જાહેર કરવામાં આવ્યું છે. IPLના ચેરમેન બ્રિજેશ પટેલે શનિવારે આ બાબતે જાણકારી આપી હતી. 19 સપ્ટેમ્બર, 2020ના રોજ પહેલી મેચ મુંબઈ ઈન્ડિયન્સ અને ચૈન્નાઈ સુપર કિંગ્સ વચ્ચે અબુધાબી, UAE ખાતે રમાશે.

હૈદ્રાબાદઃ ઈન્ડિયન પ્રિમિયર લીગ(IPL) ગવર્નિગ કાઉન્સિલ દ્વારા રવિવારે IPLની 13મી સિઝનનું શેડ્યુલ જાહેર કર્યું છે. ટી-20 ક્રિકેટની દુનિયામાં સૌથી મોંધી અને પ્રચલીત લીગની શરૂઆત 19 સપ્ટેમ્બરના રોજ અબુધાબી UAEમાં થશે. તેની પ્રથમ મેચ ચેમ્પિયન મુંબઈ ઈન્ડિયન્સ અને રનર્સ અપ ચૈન્નાઈ સુપરકિંગ્સ વચ્ચે 19 સપ્ટેમ્બરના રોજ રમાશે. જ્યારે ફાઈનલ મેચ 10 નવેમ્બરના રોજ યોજાશે. કોરોના મહામારીને કારણે આ વર્ષે IPLનું આયોજન સંયુક્ત આરબ અમિરાતમાં કરવામાં આવ્યું છે. IPLની મેચ અબુ ધાબી, શારબહા અને દુબઈમાં રમવામાં આવશે.

ક્રિકેટ પ્રેમીઓની આતુરતાનો અંત, IPLનું શેડ્યુલ જાહેર

આ ટુર્નામેન્ટમાં કુલ 8 ટીમ ભાગ લેશે.

• મુંબઈ ઈન્ડિયન્સ
• ચૈન્નાઈ સુપર કિંગ્સ
• દિલ્હી કેપિટલ્સ
• સનરાઈઝર્સ હૈદ્રાબાદ
• કોલકત્તા નાઈટ રાઈડર્સ
• કિંગ્સ ઈલેવન પંજાબ
• રોયલ ચેલેન્જર્સ બેગ્લોર
• રાજસ્થાન રોયલ્સ

દરેક ટીમ ટુર્નામેન્ટના લીગ રાઉન્ડ દરમિયાન 2-2 મેચ રમશે, આ પ્રકારે લીગ રાઉન્ડમાં કુલ 14 મેચ રમવામાં આવશે. લીગ રાઉન્ડમાં ટોપ 4 રહેલી ટીમને પ્લેઓફમાં સ્થાન મળશે. જ્યારે ટોપ-2 રહેનારી ટીમો વચ્ચે ક્વાટર ફાઈનલ મેચ રમાશે. જ્યારે ત્રિજા અને ચોથા નંબરે રહેનારી ટીમ વચ્ચે એલિમિનેટર મેચ રમાડવામાં આવશે. પહેલી ક્વાટર ફાઈનલ મેચમાં જે ટીમ જીતશે તે ફાઈનલમાં પહોંચશે. જ્યારે હારનારી ટીમ બીજી ક્વાટર ફાઈનલ મેચ રમશે.

53 દિવસ સુધી ચાલનારી આ ટુર્નામેન્ટમાં ભાગ લેવા માટે 8 ફ્રેચાઈઝી ટીમ UAE પહોંચી ગઈ છે. હાલ આ ટીમ પ્રક્ટિસમાં વ્યસ્ત છે. આ વર્ષે IPL બાયો સિક્યોર વાતાવરણમાં રમાડવામાં આવશે. BCCIએ UAE રવાના થયા પહેલા દરેક ટીમને SOP પણ આપી દીધા હતા.