કેન્ટરબરીઃ ભારતીય મહિલા ક્રિકેટ ટીમે ઈંગ્લેન્ડ (india women vs england women 2nd odi) માં ઈતિહાસ રચ્યો છે. 23 વર્ષ બાદ અંગ્રેજોને તેના ઘરે વનડે સીરીજમાં પરાજય મળ્યો છે. આ ઉપરાંત, ઇંગ્લેન્ડમાં ઘરઆંગણે ભારતીય મહિલા ટીમની આ બીજી વનડે સીરીજ (2nd ODI ECC Championship Match Ind Beat Eng) છે, જેમાં તેમણે જીત મેળવી છે.
ઈંગ્લેન્ડની હાર: વાસ્તવમાં ભારતીય ટીમ સતત બીજા વર્ષે ઈંગ્લેન્ડ પ્રવાસ પર પહોંચી છે. છેલ્લી વખત અહીં ત્રણ વન ડે સીરીજમાં 1-2થી હારનો સામનો કરવો પડ્યો હતો. પરંતુ આ વખતે રમાઈ રહેલી ત્રણ મેચની વનડે શ્રેણીમાં ટીમ ઈન્ડિયાએ પ્રથમ બે મેચ જીતી લીધી છે. આ સાથે સીરીજમાં 2-0ની અજેય સરસાઈ મેળવી લીધી છે. સીરીજની પ્રથમ મેચમાં ભારતીય મહિલા ટીમે 7 વિકેટે જીત મેળવી હતી. જ્યારે બુધવાર (21 સપ્ટેમ્બર)ના રોજ રમાયેલી બીજી મેચમાં ઈંગ્લેન્ડની મહિલા ટીમને 88 રનના મોટા અંતરથી પરાજય મળ્યો છે. આ જીતમાં કેપ્ટન હરમનપ્રીત કૌર પોતાની રમતમાં ચમકી રહી છે.
હરમનપ્રીતનું શાનદાર પ્રદર્શન: ભારતીય મહિલા ટીમના કેપ્ટન હરમનપ્રીત કૌરની 143 રનની શતક કરીને નોટ આઉટ રહી હતી, જ્યારે હરલીન દેઓલે 58 રનની અડધી સદી કરી હતી. બુધવારે ભારતીય મહિલા ટીમે અહીં રમાયેલી બીજી વન ડેમાં ઈંગ્લેન્ડ સામે પાંચ વિકેટે 333 રનનો વિશાળ સ્કોર બનાવ્યો હતો. 111 બોલનો સામનો કરીને હરમનપ્રીતે તેની અણનમ ઇનિંગમાં 18 ચોગ્ગા અને 4 છગ્ગા ફટકાર્યા હતા. હરલીને 72 બોલ રમ્યા જેમાં 5 ચોગ્ગા અને 2 છગ્ગાનો સમાવેશ થાય છે. બંનેએ ચોથી વિકેટ માટે 113 રનની ભાગીદારી કરી હતી.
ભારતીય ટીમનું પ્રદર્શન: બેટિંગ માટે આમંત્રિત કર્યા પછી, ભારતને પ્રથમ ઝટકો બીજી ઓવરમાં લાગ્યો જ્યારે શેફાલી વર્મા (08 રન) કેટ ક્રોસ દ્વારા બોલ્ડ થઈ હતી. ત્યારબાદ સ્મૃતિ મંધાનાઅને યાસ્તિકા ભાટિયાએ બીજી વિકેટ માટે અડધી સદી (54 રન)ની ભાગીદારી રમી હતી. પરંતુ ભાટિયા 12મી ઓવરમાં આઉટ થનારી ટીમની બીજી ખેલાડી રહી હતી, તેમણે 26 રન બનાવ્યા હતા. ત્યારબાદ મંધાનાએ 51 બોલમાં 4 ચોગ્ગા અને 1 છગ્ગાની મદદથી 40 રનનું યોગદાન આપ્યું હતું.
ઈંગ્લેન્ડની ટીમનું પ્રદર્શન:પૂજા વસ્ત્રાકર 18 રન અને દીપ્તિ શર્મા 15 રન બનાવી નોટ આઉટ રહી હતી. ઈંગ્લેન્ડના પાંચ બોલર લોરેન બેલ, ક્રાસ, ફ્રેયા કેમ્પ, ચાર્લી ડીન અને સોફી એક્લેસ્ટોનને 1-1 વિકેટ મળી હતી. 334 રનના ટાર્ગેટના જવાબમાં ઈંગ્લેન્ડની ટીમ 44.2 ઓવરમાં 245 રન બનાવીને ઓલઆઉટ થઈ ગઈ હતી. ટીમ તરફથી માત્ર ડેનિયલ વ્હાઈટે 65 રન બનાવ્યા હતા. જ્યારે ભારતીય ટીમ માટે ફાસ્ટ બોલર રેણુકા સિંહે સૌથી વધુ 4 વિકેટ લીધી હતી.
