IND vs WI 2nd Test : બીજી ટેસ્ટમાં ભારતે આપ્યો વેસ્ટ ઈન્ડિઝને 365 રનનો ટાર્ગેટ, વરસાદ બની શકે છે વિલન

પોર્ટ ઓફ સ્પેનમાં રહેલી બીજી ટેસ્ટ મેચના ચોથા દિવસના અંતે ભારત અને વેસ્ટ ઈન્ડિઝે 2 વિકેટ ગુમાવીને 76 રન બનાવ્યા છે. વેસ્ટ ઈન્ડિઝને આ ટેસ્ટ મેચ જીતવા માટે 365 રનનો મુશ્કેલ ટાર્ગેટ આપવામાં આવ્યો છે. આજે બીજી ટેસ્ટ મેચનો અંતિમ દિવસ છે.

પોર્ટ ઓફ સ્પેનઃ પોર્ટ ઓફ સ્પેનના મેદાન પર ભારત અને વેસ્ટ ઈન્ડિઝ વચ્ચે બીજી ટેસ્ટ મેચ રમાઈ રહી છે. પ્રથમ દાવમાં 183 રનની લીડ લીધા બાદ ટીમ ઈન્ડિયાએ રોહિત અને ઈશાન કિશનની ધમાકેદાર બેટિંગના આધારે બીજી ઈનિંગમાં 2 વિકેટે 181 રન બનાવીને પોતાનો દાવ ડિકલેર કર્યો હતો અને વેસ્ટ ઈન્ડિઝની ટીમને 365 રનનો ટાર્ગેટ આપ્યો હતો. જેના જવાબમાં ભારતે વેસ્ટ ઈન્ડિઝની ટીમને 2 આંચકા આપ્યા છે. ચોથા દિવસની રમતના અંત સુધીમાં યજમાન ટીમે 76 રન બનાવી લીધા હતા અને હજુ પણ તેને જીતવા માટે 289 રનની જરૂર છે.

ભારતે બીજો દાવ 181 રન પર ડિકલેર કર્યો:આ સાથે ઈશાન કિશનને પ્રમોટ કરીને ઝડપી બેટિંગ માટે ચોથા નંબર પર બેટિંગ માટે મોકલવામાં આવ્યો હતો. તેણે આ તકનો ફાયદો ઉઠાવ્યો અને માત્ર 33 બોલમાં પોતાની ટેસ્ટ કારકિર્દીની પ્રથમ અડધી સદી ફટકારી. ઈશાન કિશને 52 રનની ઈનિંગમાં 4 ફોર અને 2 સિક્સર ફટકારી હતી. તેની સાથે બેટિંગ કરી રહેલા શુભમન ગિલ માત્ર 29 રન બનાવીને અણનમ પરત ફર્યા હતા. આ રીતે ભારતે તેનો બીજો દાવ 181 રન પર ડિકલેર કર્યો હતો.

રોહિત શર્માએ વિસ્ફોટક બેટિંગ:રોહિત શર્મા અને યશસ્વી જયસ્વાલે પ્રથમ વિકેટ માટે 98 રનની ભાગીદારી કરી હતી. આ દરમિયાન રોહિત શર્માએ તેની ટેસ્ટ કારકિર્દીની સૌથી ઝડપી અડધી સદી ફટકારી હતી. રોહિત શર્માએ વિસ્ફોટક બેટિંગ કરતાં તોફાની ઇનિંગ રમી હતી. રોહિત શર્માએ 57 રનની ઈનિંગમાં 5 ફોર અને 3 સિક્સર ફટકારી હતી.

અશ્વિન પર રહેશે નજર:મેચના ચોથા દિવસે ભારત દ્વારા ઇનિંગ્સ ડિકલેર કર્યા બાદ 365 રનના લક્ષ્યાંકનો પીછો કરવા ઉતરેલી વેસ્ટ ઈન્ડિઝની ટીમ ફરી એકવાર અશ્વિનની સ્પિનમાં ફસાઈ ગઈ હતી. ભારતીય ટીમે વેસ્ટ ઈન્ડિઝની 2 વિકેટ ઝડપી છે. રવિચંદ્રન અશ્વિને આ સિરીઝમાં અત્યાર સુધી 15 વિકેટ લીધી છે.

આ પણ વાંચો :