આજે ભારત અને દક્ષિણ આફ્રિકા વચ્ચે મુકાબલો થશે. વિશ્વકપમાં ભારતની આ પ્રથમ મેચ હોવાથી સમગ્ર દેશમાં ઉત્સાહનો માહોલ સર્જાયો છે. છેલ્લી 5 મહત્વની ટૂર્નામેન્ટમાં ભારતે દક્ષિણ આફ્રિકામાં સતત પછાડયુ છે. જેથી ભારત હાલમાં આફ્રિકા સામે ફોર્મમાં છે.
વિશ્વકપમાં ભારતની આજે પ્રથમ મેચ, દક્ષિણ આફ્રિકા સામે થશે ટક્કર - cricket
ન્યુઝ ડેસ્કઃ વર્લ્ડ કપ-2019માં ભારતની આજે પહેલી મેચ રમાશે. દક્ષિણ આફ્રિકા સામેની આ મેચ ઈંગ્લેંન્ડના સાઉધમ્પ્ટન શહેરના બાઉલ ક્રિકેટ ગ્રાઉન્ડ પર રમાશે. ત્યારે આજની મેચમાં ભારતની ટીમ જીતની ભેટ આપે છે કે નિરાશ કરે છે એ માટે લોકોમાં ઉત્સુક્તા જોવા મળી છે.
વિશ્વકપમાં ભારતની આજે પ્રથમ મેચ, દક્ષિણ આફ્રિકા સાથે થશે ટક્કર
જો કે, ભૂતકાળમાં વર્લ્ડ કપની કુલ 4 મેચમાં દક્ષિણ આફ્રિકાએ ભારતને 3 વાર હરાવ્યુ છે. વિશ્વકપમાં ભારતનું દક્ષિણ આફ્રિકા સામે પ્રદર્શન નબળુ રહ્યું છે. ત્યારે ભારત આ ટ્રેન્ડને તોડી દક્ષિણ આફ્રિકાને હરાવે છે કે પછી પહેલી મેચમાં આફ્રિકાને ધૂળ ચટાડી વિશ્વકપમાં જીત સાથે શાનદાર શરુઆત કરે છે તે જોવું રહ્યુ.