અત્યાર સુધી ફક્ત 6 દેશ જ જીતી શક્યા છે વર્લ્ડ કપ, જાણો કઇ છે આ ટીમ...

સ્પોર્ટસ ડેસ્ક: ઈંગ્લેન્ડ ક્રિક્ટ ટીમે રવિવારના રોજ ક્રિકેટના મક્કા લોર્ડસમાં અપસેટ સર્જતા પ્રથમ વખત વર્લ્ડ કપનો ખિતાબ જીત્યો છે. આ પહેલા ફક્ત 5 જ ટીમે વર્લ્ડ કપ જીત્યો હતો. ત્યારે ઇતિહાસમાં છઠ્ઠા નંબરની ટીમ ઇંગ્લેન્ડ છે. ક્રિકેટ વર્લ્ડ કપની શરૂઆત 1975માં થઈ હતી. આ પહેલા ફક્ત વેસ્ટ ઇન્ડિઝ, ભારત, ઓસ્ટ્રેલિયા, પાકિસ્તાન અને શ્રીલંકાની ટીમો જ વર્લ્ડ ચેમ્પિયન બનવાનું ગૌરવ મેળવી શકી છે.

ઓસ્ટ્રેલિયાની ટીમે મોટાભાગના વોલ્યુમમાં સૌથી વધુ એટલે કે 5 વખત વર્લ્ડ કપ જીત્યો હતો. આ ઉપરાંત ભારત અને વેસ્ટ ઇન્ડિઝ 2-2 વખત અને શ્રીલંકા અને પાકિસ્તાને 1-1 વખત વર્લ્ડ કપનો ખિતાબ તેમના નામે કર્યા હતાં.

તો ચાલો આવો નજર કરીએ 1975થી લઈ અત્યાર સુધીમાં ક્રિકેટ વર્લ્ડ કપના પરીણામો પર...

• 1975 વેસ્ટ ઇન્ડિઝ (ચેમ્પિયન), ઓસ્ટ્રેલિયા (રનર્સ અપ)
• 1979 વેસ્ટ ઇન્ડિઝ (ચેમ્પિયન), ઈંગ્લેન્ડ (રનર્સ અપ)
• 1983 ભારત (ચેમ્પિયન) , વેસ્ટ ઇન્ડિઝ (રનર્સ અપ)
• 1987 ઓસ્ટ્રેલિયા (ચેમ્પિયન) , ઈંગ્લેન્ડ (રનર્સ અપ)
• 1192 પાકિસ્તાન (ચેમ્પિયન) , ઈંગ્લેન્ડ (રનર્સ અપ)
• 1996 શ્રીલંકા (ચેમ્પિયન) , ઓસ્ટ્રેલિયા (રનર્સ અપ)
• 1999 ઓસ્ટ્રેલિયા (ચેમ્પિયન) , પાકિસ્તાન (રનર્સ અપ)
• 2003 ઓસ્ટ્રેલિયા (ચેમ્પિયન) , ભારત (રનર્સ અપ)
• 2007 ઓસ્ટ્રેલિયા (ચેમ્પિયન) , શ્રીલંકા (રનર્સ અપ)
• 2011 ભારત (ચેમ્પિયન) , શ્રીલંકા (રનર્સ અપ)
• 2015 ઓસ્ટ્રેલિયા (ચેમ્પિયન) , ન્યૂઝીલેન્ડ (રનર્સ અપ)
• 2019 ઈંગ્લેન્ડ (ચેમ્પિયન) , ન્યૂઝીલેન્ડ (રનર્સ અપ)

વર્લ્ડ કપના ઇતિહાસમાં 23 વર્ષ બાદ નવા વિશ્વ ચેમ્પિયન જોવા મળ્યા છે. છેલ્લી વખત 1996ના વર્લ્ડ કપમાં શ્રીલંકાએ પહેલી વાર વર્લ્ડકપ જીત્યો હતો. 1996 બાદ ઓસ્ટ્રેલિયાએ 4 વખત વર્લ્ડ કપ જીત્યા, જે 1987માં એકવાર વિશ્વ ચેમ્પિયન બની ચૂકી છે. 2011ના વર્લ્ડકપમાં ભારતે તેના બીજા ટાઇટલ પર કબજો કર્યો હતો. તેની પહેલાં તેઓ 1983માં વર્લ્ડ ચેમ્પિયન બન્યા હતા.