ન્યૂઝ ડેસ્ક: બોલિવૂડના 'દબંગ ખાન'ની ફેન્સ માટે સારા સમાચાર છે. સલમાને ચાહકોને 'ટાઈગર-3'ની રિલીઝ ડેટ (Tiger 3 Release Date) જણાવી દીધી છે. આ પહેલા અભિનેતાએ પોતાની ફિલ્મ 'કભી ઈદ કભી દિવાળી'ની રિલીઝ ડેટ (kabhi Eid Kabhi Diwali Release Date) જણાવીને ચાહકોને મોટી ભેટ આપી હતી. સલમાન ખાનના ફેન્સ આ ફિલ્મની ઘણા સમયથી રાહ જોઈ રહ્યા હતા. આ ફિલ્મનું નિર્દેશન મનીષ શર્માએ કર્યું છે, ત્યારે આ ફિલ્મ વર્ષ 2023માં ઈદના અવસર પર 21 એપ્રિલે રિલીઝ કરવામાં આવશે.
જાણો ફિલ્મ ક્યારે થશે રિલીઝ
સલમાન ખાને વર્ષ 2023ની ઈદને ચાહકો માટે ડબલ સેલિબ્રેશનમાં બદલી નાખી છે. કારણ કે, વર્ષ 2023માં સલમાન ચાહકોને ફિલ્મ 'ટાઈગર-3'ની સોગાદ આપી છે. ઈદના તહેવાર પર 'ભાઈ'ની ફિલ્મ જોઈને ચાહકો ખૂબ જ એન્જોય કરવાના છે. આ ફિલ્મમાં સલમાન સાથે એક્ટર વિકી કૌશલની પત્ની કેટરિના કૈફ લીડ રોલમાં જોવા મળશે. સલમાન ખાનની બીજી ફિલ્મ 'કભી ઈદ કભી દિવાળી'ની રિલીઝ ડેટ બદલવામાં આવી હતી. આ ફિલ્મ પહેલા ઈદ 2023ના અવસર પર રિલીઝ થવાની હતી. હવે આ ફિલ્મ સલમાન ખાનના જન્મદિવસ (Salman Khan Birthday) 27 ડિસેમ્બરના રોજ રિલીઝ કરવામાં આવશે.