અવોર્ડ અને પુરસ્કારને લઈ તાપસી પન્નુએ કંઈક આવું કહ્યું...

'બદલા' ફિલ્મની અભિનેત્રી તાપસી પન્નુએ હાલમાં એક ઈન્ટરવ્યુમાં અવોર્ડ અંગે વાતચીત કરી હતી.

મુંબઈઃ અભિનેત્રી તાપસી પન્નુએ એક ઈન્ટરવ્યુમાં અવોર્ડ ફંક્શનને લઈ કેટલીક ખાસ વાતચીત કરી હતી.

આ ઈન્ટરવ્યુમાં ફન સેક્શન દરમિયાન અવોર્ડ અંગે વાતચીત થતાં તાપસીએ મજાકિયા અંદાજમાં કહ્યું હતું કે, મને અવોર્ડ પર ભરોસો નથી. અવોર્ડનો મતલબ છે કે કેટલાક લોકોનો સમૂહ મળી તમારુ ફિલ્મમાં પ્રદર્શન સારુ હતું કે, ખરાબ તે જોઈ અવોર્ડ આપવાનું નક્કી કરે છે.

આ સાથે જ તાપસીએ ઉમેર્યું કે, જ્યુરી કે કોઈ સમૂહ કોઈ કલાકારના કેરિયરનો નિર્ણય લઈ શકતા નથી. જ્યુરી એ નક્કી નથી કરી શકતાં આ કલાકાર સારો છે કે ખરાબ. બાદમાં તેમણે ઉલ્લેખ કર્યો કે તેમને પિન્ક ફિલ્મ માટે કોઈ પણ પુરસ્કાર મળ્યો નથી. જો કે, પિન્કમાં તાપસીના કામની ખુબ જ પ્રંશસા થઈ હતી.

'થપ્પડ' ફિલ્મની અભિનેત્રીએ વધુમાં કહ્યું કે, પિન્ક ફિલ્મ બાદ અન્ય ફિલ્મ માટે સરાહના અને પુરસ્કાર બંને મળ્યાં છે.