ઋષિ કપૂરે સારા અલી ખાનની કરી પ્રશંસા, જાણો કારણ

મુંબઇ: સારા અલી ખાનના એરપોર્ટના કેટલાક ફોટા સોશિયલ મીડિયા પર વાયરલ થઈ રહ્યા છે. જે બાદ ઋષિ કપૂરે ટ્વીટ કરીને તેમની પ્રશંસા કરી હતી.

ફિલ્મ 'કેદારનાથ' થી પોતાની ફિલ્મ સફરની શરૂઆત કરનારી અભિનેત્રી સારા અલી ખાન શરૂઆતથી હંમેશા દરેકની પ્રશંસા લેતી જોવા મળી છે. પોતાનો સરળ સ્વભાવ અને માસૂમ મુસ્કાનની સાથે દરેકનું દિલ જીતનારી અભિનેત્રીની પ્રશંસા અભિનેતા ઋષિ કપૂરે પણ કરી છે.

ઋષિ કપૂર ટ્વીટ

સારા અલી ખાનના એરપોર્ટના કેટલાક ફોટા વાયરલ થઈ રહ્યા હતા. જેમાં તે પોતાનો સામાન જાતે જ સંભાળતી જોવા મળી હતી. સારા એક સેલિબ્રિટી નથી. પરંતુ, સામાન્ય જનતાની જેમ પોતાનો સામાન ખુદ લઇને જઇ રહી હતી. જેનાથી ઋષિ કપૂર ખૂબ જ ખૂશ થયા અને તેમણે સારાની પ્રશંસા કરી હતી.

ઋષિ કપૂરે લખ્યું કે 'ખૂબ ખૂબ સારુ, તે એક ઉદારણ પુરુ પાડ્યું છે કે સેલિબ્રિટીઓએ એરપોર્ટ પર કેવું વર્તન કરવું જોઈએ. કોઈને હેરાન ન કરવા, પોતાનો સામાન જાતે લઇ જવો. એરપોર્ટ લુકમાં ડાર્ક ચશ્માં પણ નથી. તમે કોઈ પણ પ્રકારના ભય વિના તમારો આત્મવિશ્વાસ બતાવ્યો.

જણાવી દઇએ કે સારા અલી ખાન સોમવારના રોજ મુંબઇ એરપોર્ટ પર સ્પોટ થઇ હતી. વર્કફ્રન્ટની વાત કરીએ તો સારાએ ઇમ્તિયાઝ અલીની ફિલ્મનું 'આજ કાલ' નું શૂટિંગ પૂર્ણ કર્યુ છે. ફિલ્મમાં સારા કાર્તિક આર્યનની સાથે જોવા મળશે. આ સિવાય તે વરુણ ધવન સાથે 'કુલી નંબર 1' માં પણ જોવા મળશે. આ ફિલ્મનું શૂટિંગ શરૂ થઈ ગયું છે.