'મોસ્ટ હેન્ડસમ મેન' નું ટાઈટલ ઋતિક રોશન માટે કોઈ નવાઈ નહિ

મુંબઈઃ બૉલીવુડના હેન્ડસમ મેન ઋતિક રોશનને દેખાવની બાબતે ભાગ્યે જ કોઈ ટક્કર આપી શકે તેમ છે. પરંતુ ગ્રીક ગૉડ 'વર્લ્ડ્સ મોસ્ટ હેન્ડસમ મેન'ની ઉપલ્બ્ધિને મહત્વની નથી માનતા. શું છે કારણ, વાંચો સંપૂર્ણ અહેવાલ...

એક્ટર ઋતિક રોશન જેઓને તેમના દેખાવ માટે કોઈ પણ 10માંથી 10 નંબર જ આપી શકે છે. કાબિલના અભિનેતા ઋતિક પોતાના ફેન્સ અને ચાહકવર્ગની વચ્ચે 'ગ્રીક ગૉડ'ના નામે લોકપ્રિય છે. મીડિયા રિપોર્ટ અનુસાર તેમને એક એજન્સી દ્વારા મોસ્ટ હેન્ડસમ મેન ઈન ધ વર્લ્ડનો ખિતાબ આપ્યો છે. ઋતિક આ નામના માટે આભારી છે, પરંતુ આ તેમના માટે કોઈ મોટી વાત નથી.

ગ્રીક ગૉડના દેખાવ પાછળ શું છે રાઝ?
ઋતિકે એક ઈન્ટરવ્યુમાં જવાબ આપ્યો કે, 'વેલ, બ્રોકલી હૈ. મજાક કરી રહ્યો છું.' "હું આ ટાઈટલ માટે તેમનો આભારી છું પરંતુ હું હકીકતમાં આ મારા માટે કોઈ ઉપલ્બ્ધિ નથી. મારા મતે કંઈક છે જેના માટે લોકોએ ઈચ્છા રાખવી જોઈએ અને જેની કિંમત કરવી જોઈએ, તે તેમની પ્રતિભા છે. સારી પ્રતિભા હંમેશા તમને વધારે આકર્ષક બનાવશે."
વર્કફ્રંટ પર ઋતિક 'સુપર 30' બાદ એક્શન થ્રિલર 'વૉર'ની રિલિઝની રાહ જોઈ રહ્યાં છે. જેમાં ઋતિક અને ટાઈગર સામ-સામે હશે.

ઋતિકની આગામી ફિલ્મનું ફર્સ્ટ લુક

પોતાની આવનારી ફિલ્મની એક્સાઈટમેંટને જાહેર કરતા અભિનેતાએ ટ્વીટ પણ કર્યુ, "આ વૉર છે. હું મારી એક્શનને વાતોથી વધારે બોલવાની તક આપીશે."