બંને પુત્રીઓએ કોરોનાને આપી માત, પિતા કરીમ મોરોનીનો રીપોર્ટ હજી કોરોનાગ્રસ્ત

ફિલ્મ પ્રોડયુસર કરીમ મોરાની અને તેમની બંને પુત્રીઓ કોરોનાથી પ્રભાવિત હતાં. બંને પુત્રીઓ સારવાર બાદ કોરોનાને માત આપી ઘરે પરત ફરી છે. પરંતુ કરીમ મોરોની હજી પણ કોરોનાની પ્રભાવિત છે, જેથી પરિવારમાં ચિંતાનો માહોલ છે.

મુંબઈઃ ફિલ્મ પ્રોડયુસર કરીમ મોરાની અને તેમની બંને પુત્રીઓ કોરોનાની ચપેટમાં આવ્યાં હતાં. મોરાની પરિવારના ત્રણ લોકો કોરોના પ્રભાવિત થયા હતા. ત્રણેય લોકોની કોરોના વાઈરસની સારવાર અલગ-અલગ હોસ્પિટલમાં ચાલી રહી હતી.

કરીમ મોરાની બંને પુત્રીઓએ સારવાર બાદ કોરોનાને માત આપી છે. કોરોના સામે જંગ લડી શઝા મોરાની અને ઝોયા મોરાની બંને સાજા થઈ ઘરે પરત ફર્યા છે. પંરતું કરીમ મોરાની હજી પણ કોરોનાગ્રસ્ત છે. તેમનો બીજ રિપોર્ટ પણ પોઝિટિવ આવ્યો છે. ઘરમાં બંને દિકરીઓ સાજી થઈ ગઈ હોવાની ખુશી તો કરીમના પોઝિટિવ રિપોર્ટથી ચિંતાનો માહોલ જોવા મળી રહ્યો છે.

કરીમ મોરાનીની સારવાર મુંબઈના એક ખાનગી હોસ્પિટલમાં ચાલી રહી છે. મલતી માહિતી પ્રમાણે તેમની તબિયતમાં સુધારો આવ્યો નથી. પરંતુ સ્પષ્ટ રીતે હજી સુધી તેમની તબિયત અંગે જાણી શકાયું નથી. સામાન્ય રીતે હોસ્પિટલમાં સારવાર દરમિયાન બે રિપોર્ટ નેગેટિવ આવ્યાં બાદ જ દર્દીને હોસ્પિટલમાંથી રજા આપવામાં આવે છે.

કરીમ મોરાનીનો બીજો રિપોર્ટ પોઝિટિવ આવવાથી પરિવારમાં ચિંતાનો માહોલ છે. કારણ કે, કરીમ મોરાની 60 વર્ષની ઉપરની વયના છે, તેમજ તે હ્રદયના દર્દી છે. અગાઉ તે બે વાર હાર્ટ અટેકનો શિકાર પણ બની ચૂક્યા છે.