શ્રીલંકાના બોલર મુથૈયા મુરલીધરનના જીવન પર બનશે ફિલ્મ

ચેન્નઈ: શ્રીલંકાના દિગ્ગજ સ્પિન બોલર મુથૈયા મુરલીધરનના જીવન પર તમિલમાં એક ફિલ્મ બની રહી છે. જેમાં તમિલ સુપરસ્ટાર વિજય સેથુપથી મુરલીધરનની ભુમિકામાં નજર આવશે. આ ફિલ્મનું નિર્દેશન એમ.એસ શ્રીપથી કરી રહ્યા છે. જો કે, હાલ આ ફિલ્મનું નામકરણ નથી થયું.

આ ફિલ્મ તમિલમાં બનશે અને દુનિયાભરમાં અનેક ભાષાઓમાં રીલીઝ કરવામાં આવશે. પોતાના પર બની રહેલી ફિલ્મને લઈ મુરલીધરને કહ્યું હતું કે, 'હું સન્માનિત થયાનું અનુભવી રહ્યો છું મને ખુશી છે કે વિજય જેવા દિગ્ગજ અભિનેતા મારી ભૂમિકા નિભાવશે. હું આ ફિલ્મની ક્રિએટીવ ટીમના સંપર્કમાં છું અને છેલ્લા કેટલાય દિવસોથી ફિલ્મ નિર્માણની પ્રક્રિયામાં શામેલ છુ'.