સ્ટીફન જેમ્સ: હોમ કમિંગની સફળતાનું શ્રેય જુલિયા રોબર્ટ્સને જાય છે

સ્ટીફન જેમ્સે જણાવ્યું કે, 'હોમ કમિંગ'ની પહેલી સિઝનની સફળતામાં હોલિવુડ સુપરસ્ટાર જુલિયા રોબર્ટ્સનો સૌથી વધુ ફાળો છે. મને જે કંઈ સફળતા મળી છે, તેનાથી હું ખૂબ જ ખુશ છું.

લોસ એન્જલસ: અભિનેતા સ્ટીફન જેમ્સે જણાવ્યું હતું કે, તેને ખબર હતી કે 'હોમ કમિંગ'ની પ્રથમ સિરિઝ દર્શકોને પસંદ પડશે કેમ કે, તેમાં હોલિવુડના સુપરસ્ટાર જુલિયા રોબર્ટ્સ છે.

જેમ્સે જણાવ્યું કે, મારો મતલબ જ્યારે પણ તમે જુલિયા રોબર્ટ્સ જેવી સુંદર અને પ્રતિભાશાળી સ્ત્રી સાથે કોઈ પ્રોજેક્ટમાં કામ કરો છો, ત્યારે તમે જાણો છો કે, લોકો તેને પસંદ કરશે જ. સાચું કહું તો સિરિઝ અંગેની પ્રતિક્રિયાઓ જાણીને હું અભિભૂત થઈ ગયો છું.

2018માં હોમ કમિંગની પ્રથમ સિઝન જુલિયા રોબર્ટ્સ હતી. જ્યારે હોમ કમિંગની બીજી સીઝનમાં અભિનેત્રી જેનેલી મોને જોવા મળશે. 22 મેથી એમેઝોન પ્રાઈમ વીડિયો પર પ્રસારિત થશે. જેમ્સ હોમ કમિંગમાં તેની વોલ્ટર ક્રુઝની ભૂમિકામાં બીજીવાર જોવા મળશે.