સુરત: શહેરના સૈયદપુરા સ્થિત માછીવાડ વિસ્તારમાં રવિવારે રાત્રીના 12:30 વાગ્યે હત્યાની ઘટના બની હતી. અજ્જુ ઉર્ફે લાલુ અને માનવ પરમાર નામના 2 મિત્રો ઘર નજીક રહેલા બાંકડા પર રાત્રીના સમયે બેઠા હતા. આ દરમિયાન ત્યાંથી મોટર સાયકલ પર પસાર થતા પ્રકાશ ઢોળીયા અને ભાવેશ પાટીલની આ બન્ને મિત્રો સાથે બોલાચાલ થઈ હતી. જે બાદ પ્રકાશ અને ભાવેશે બન્ને મિત્રો પર ચપ્પુ વડે હુમલો કર્યો હતો. જેમાં અજ્જુ ઉર્ફે લાલુનું મોત થયું હતું.
સુરતમાં સામાન્ય બોલાચાલીએ એકનો જીવ લીધો
ઘટના બાદ હત્યારા ફરાર થઈ ગયા હતા, જ્યારે ઘટનામાં ઈજાગ્રસ્ત માનવ પરમારને સારવાર અર્થે નજીકની ખાનગી હોસ્પિટલ ખસેડવામાં આવ્યો હતો. ઘટનાની જાણ પોલીસને થતાં લાલગેટ પોલીસે હત્યાનો ગુનો નોંધી ગણતરીના કલાકોમાં હત્યારઓને ઝડપી પાડ્યા હતા.