સોફી વિલ્મસ બન્યા બેલ્જિયમના પહેલા મહિલા વડાંપ્રધાન

બ્રસેલ્સ: દેશના નવા કાર્યકારી વડાંપ્રધાન તરીકે બજેટ પ્રધાન સોફી વિલ્મસની પસંદગી કરવામાં આવી છે. તેઓ દેશની પ્રથમ મહિલા વડાંપ્રધાન બન્યા છે. હાલના વડાંપ્રધાન ચાર્લ્સ મિશેલ દ્વારા તેની ઘોષણા કરવામાં આવી છે.

આ પહેલા તેઓ બજેટ પ્રધાન તરીકે જવાબદારી સંભાળતા હતાં. 44 વર્ષીય વિલ્મસનને કિંગ ફિલિપ દ્વારા શપથ લેવડાવવામાં આવશે. આજે જ તેની ઔપચારિક જાહેરાત થાય તેવી શક્યતા છે.

મિશેલ 1 ડિસેમ્બરે યુરોપીયન કાઉન્સિલના પ્રમુખ તરીકે કમાન સંભાળશે. તે માટે દેશમાં નવા વડાંપ્રધાન બનાવવાની જરૂર પડી છે.