કૈમરૂનમાં બસ અને ટ્રક વચ્ચે ગમખ્વાર અકસ્માત, 53 લોકોના મોત

કૈમરૂનમાં બસ અને ટ્રક વચ્ચે ગમખ્વાર અકસ્માત સર્જાયો હતો. અકસ્માત બાદ બસમાં આગ લાગી હતી. જેમાં 53 લોકોના મોત થયા હતા અને 21 લોકો ઇજાગ્રસ્ત થયા હતા.

• વિદેશમાં સર્જાયો ગમખ્વાર અકસ્માત
• બસ અને ટ્રક વચ્ચે ટક્કર
• આ ઘટનામાં 53 લોકોના મોત, 21 ઇજાગ્રસ્ત

યાઉંદે (કૈમરૂન): કૈમરૂનમાં બસ અને ટ્રકના અકસ્માતમાં 53 લોકોના મોત થયા હતા. તેમજ અન્ય 21 લોકો ઇજાગ્રસ્ત થયા હતા. અધિકારીઓએ આ ઘટના વિશે જાણકારી આપી હતી. તેઓએ જણાવ્યું કે, પશ્ચિમિ વિસ્તારના એક ગામ નજીક બસ એક ટ્રકની સાથે અથડાઇ હતી.

ઇંધણ ભરેલા ટ્રક સાથે અકસ્માત સર્જાતા આગ લાગી

તેમણે વધુમાં જણાવ્યું કે, ઇંધણ ભરેલા ટ્રક સાથે અકસ્માત થતા આગ લાગી હતી. આ ઘટનામાં 53 લોકોના મોત થયા હતા. ઉલ્લેખનીય છે કે, આ અકસ્માત બુધવારના રોજ સર્જાયો હતો.