હૈદરાબાદ: બોલિવૂડ સુપરસ્ટાર સલમાન ખાન દેખીતી રીતે તેના પરિવાર સાથે મુંબઈમાં એક આલીશાન હોટેલ બનાવવાની યોજના બનાવી રહ્યા છે. ખાન પ્રાઇમ લોકેશનમાં હોટેલ બનાવી રહ્યા છે અને બાંદ્રામાં કાર્ટર રોડ પર સી-ફેસિંગ પ્લોટ રિઝર્વ કર્યો છે. BMC દ્વારા મંજૂર કરવામાં આવેલ બિલ્ડિંગ પ્લાન 19 માળની હોટલ દર્શાવે છે.
સલમાન ખાનની મિલકત: એક અહેવાલ મુજબ પ્લોટ મૂળ રૂપે સ્ટારલેટ CHS રહેણાંક મકાનનો હતો. જ્યાં ખાનોએ એપાર્ટમેન્ટ ખરીદ્યા હતા અને શરૂઆતમાં મિલકતને રહેણાંક મકાનમાં નવીનીકરણ કરવાની યોજના બનાવી હતી. જો કે, પરિવારે તેમની યોજનાઓ બદલી હોવાનું જણાય છે. એક વર્ષ પહેલાં અભિનેતાની માતા સલમા ખાનના નામે હોટલ બનાવવાની દરખાસ્ત રજૂ કરવામાં આવી હતી.
સંશોધિત પ્લાન શેર:રિપોર્ટમાં એમ પણ જણાવવામાં આવ્યું છે કે, ખાનના આર્કિટેક્ટ, સપ્રે એન્ડ એસોસિએટ્સે હવે શહેરના નવા ડેવલપમેન્ટ કંટ્રોલ એન્ડ પ્રમોશન રેગ્યુલેશન (DCPR-2034) હેઠળ "69.90 મીટરની ઉંચાઈ સાથે કોમર્શિયલ સેન્ટ્રલી એર-કન્ડિશન્ડ બિલ્ડીંગ" માટે અપડેટ કરેલ સંશોધિત પ્લાન શેર કર્યો છે. પ્રોપર્ટીમાં ત્રણ લેવલ બેઝમેન્ટ હશે.
મુંબઈમાં લક્ઝરી હોટેલ: પહેલા અને બીજા માળે કાફે અને રેસ્ટોરન્ટ, ત્રીજા માળે જીમ અને સ્વિમિંગ પૂલ અને ચોથા માળે સર્વિસ ફ્લોર હશે. દેખીતી રીતે 5મા અને 6ઠ્ઠા માળે કન્વેન્શન સેન્ટર હશે અને 7માથી 19મા માળે હોટેલના ઉપયોગ માટે હશે. જ્યારે પરિવારના પ્લોટ પર હજુ સુધી બાંધકામની કોઈ નિશાની નથી. ત્યાં એક ઈમારત ઊભી છે, જેનું નવીનીકરણ કરીને ભવ્ય હોટેલ બનાવવામાં આવશે. વર્ષ 2011 માં સલમાનના પિતા સલીમ ખાને ખુલાસો કર્યો હતો કે, તેઓ વારંવાર રિયલ એસ્ટેટ ખરીદે છે.
અભિનેતાનો વર્કફ્રન્ટ: ફિલ્મના મોરચે સલમાન હાલમાં ખભાની ઈજામાંથી સાજા થઈ રહ્યા છે, જે તેને તેની આગામી ફિલ્મ 'ટાઈગર 3'ના શૂટિંગ દરમિયાન ઈજાગ્રસ્ત થયા હતા. તે લોકપ્રિય ફિલ્મ 'પઠાણ'માં પણ કેમિયોમાં જવા મળ્યા હતા. છેલ્લે આપણે સલમાનને 'કિસી કા ભાઈ કિસી કી જાન'માં જોયા હતા. ફિલ્મને ચાહકો અને વિવેચકો તરફથી મિશ્ર પ્રતિસાદ મળ્યો હતો.
આ પણ વાંચો:
- Jr Ntr Birthday: જુનિયર Ntrનો જન્મદિવસ છે, ફિલ્મ 'વોર 2' સ્ટાર હૃતિક રોશને પાઠવી શુભેચ્છા
- Adipurush New Song: 'આદિપુરુષ'નું ગીત જય શ્રી રામ આઉટ, ફિલ્મ 16મી જૂને સિનેમાઘરો થશે રિલીઝ
- Cannes 2023: સારા અને ઐશ્વર્યા કાન્સથી પરત ફર્યા, મુંબઈ એરપોર્ટ પર જોવા મળ્યા
