Prabhas Hugs Kriti Sanon: પ્રભાસ અને કૃતિ સેનનની કેમેસ્ટ્રીએ મંચ પર આગ લગાવી, ચાહકો થયા ખુશ

ગઈકાલે રાત્રે બનેલી પેન ઈન્ડિયા ફિલ્મ આદિપુરુષની પ્રી-રીલીઝ ઈવેન્ટની તસવીરો સોશિયલ મીડિયા પર ખૂબ ધૂમ મચાવી રહી છે. હવે આ ઈવેન્ટમાંથી પ્રભાસની કૃતિ સેનનને ગળે લગાડતી તસવીરો સોશિયલ મીડિયા પર ખૂબ વાયરલ થઈ રહી છે. આ દરમિયાન ચાહકો ખુબજ પ્રેમ વરસાવી રહ્યાં છે.

હૈદરાબાદ:સાઉથ સુપરસ્ટાર પ્રભાસ અને બોલિવૂડની 'પરમ સુંદરી' કૃતિ સેનન અભિનીત ફિલ્મ 'આદિપુરુષ' રિલીઝ થવાની તૈયારીમાં છે. અગાઉ તારીખ 6 જૂનની રાત્રે, તિરુપતિમાં 'આદિપુરુષ'ની પ્રી-રિલિઝ ઇવેન્ટ થઈ હતી. 'આદિપુરુષ'ની આખી ટીમ અહીં સંપૂર્ણ સજ્જ થઈને આવી પહોંચી હતી. 'આદિપુરુષ'ની પ્રી-રીલીઝ ઈવેન્ટમાં પ્રભાસ અને કૃતિ સેનનની કેમેસ્ટ્રીએ મંચ પર આગ લગાવી દીધી હતી.

પ્રભાસ-કૃતિની જોડી:અહીં કૃતિ સેનન બ્લેક સાડીમાં જ્યારે પ્રભાસ સફેદ કુર્તામાં પહોંચ્યા હતા. 'આદિપુરુષ'ની પ્રી-રીલીઝ ઈવેન્ટમાં, પ્રભાસે તેની સહ-અભિનેત્રી કૃતિ સેનનનું ઈવેન્ટમાં આગમન પર ચુસ્ત આલિંગન સાથે સ્વાગત કર્યું હતું. હવે 'આદિપુરુષ'ની પ્રી-રીલીઝ ઈવેન્ટમાંથી પ્રભાસ અને કૃતિને ગળે મળ્યાની તસવીરો સોશિયલ મીડિયા પર ખૂબ જ વાયરલ થઈ રહી છે અને રામ-સીતાના આ ઓનસ્ક્રીન કપલ પર ઘણો પ્રેમ વરસી રહ્યો છે.

ચાહકોએ વરસાવ્યો પ્રેમ:સોશિયલ મીડિયા પર વાયરલ થઈ રહેલી તસવીરોમાં જોઈ શકાય છે કે, પ્રભાસ અને કૃતિ આદિપુરુષની પ્રી-રિલિઝ ઈવેન્ટમાં કેટલા ખુશ દેખાઈ રહ્યાં છે. ચાહકો પ્રભાસ અને કૃતિની જોડીને ખૂબ પસંદ કરી રહ્યા છે અને ઘણો પ્રેમ વરસાવી રહ્યા છે. આ પહેલા ફિલ્મના ટીઝર લોન્ચ પર પ્રભાસ અને કૃતિના અફેરના સમાચારોએ ખૂબ જોર પકડ્યું હતું.

ફિલ્મ રિલીઝ ડેટ: હવે ફરી એકવાર આ જ સમાચાર સોશિયલ મીડિયા પર ફેલાવવામાં આવી રહ્યા છે. ઓમ રાઉત દ્વારા નિર્દેશિત ફિલ્મ 'આદિપુરુષ' હિન્દી, તમિલ, તેલુગુ, મલયાલમ અને કન્નડમાં તારીખ 16 જૂને રિલીઝ થશે. આ ફિલ્મનું અંતિમ ટ્રેલર પણ ગઈકાલે રાત્રે રિલીઝ કરવામાં આવ્યું હતું, જેને ચાહકો દ્વારા ખૂબ પસંદ કરવામાં આવી રહ્યું છે.