હૈદરાબાદ:આજે (14 જૂન) દિવંગત બોલિવૂડ અભિનેતા સુશાંત સિંહ રાજપૂતની બીજી પુણ્યતિથિ (Second Death Anniversary of Sushant Singh Rajput) છે. સુશાંતના પરિવારના સભ્યો, સંબંધીઓ, મિત્રો અને કેટલાક બોલિવૂડ સેલેબ્સે તેને યાદ કર્યો છે. આ એપિસોડમાં બોલિવૂડ એક્ટર કાર્તિક આર્યન એ પણ સુશાંત સિંહ રાજપૂતની એક તસવીર શેર કરીને અભિનેતાને યાદ કર્યો છે. સુશાંતની તસવીર શેર કરવાની સાથે કાર્તિકે એક કેપ્શન (Kartik Aaryan targeted Karan Johar) પણ આપ્યું છે, જે ક્યાંક બોલિવૂડ ગેંગ પર હુમલો કરી રહ્યું છે.
આ પણ વાંચો:CID ઈન્સ્પેક્ટર સચિન સાથે શું બની ગયુ! જાણો કેમ જાવુ પડ્યુ પોલીસ સ્ટેશન
કરણ જોહર પર નિશાન સાધ્યું: તમને જણાવી દઈએ કે, 'ભૂલ-ભૂલૈયા-2'ની સફળતાનો સ્વાદ ચાખતા અભિનેતા કાર્તિક આર્યનએ તેમના સોશિયલ મીડિયા એકાઉન્ટ પર સ્વર્ગસ્થ અભિનેતા સુશાંત સિંહ રાજપૂતની એક તસવીર શેર કરી, તેમને યાદ કરીને લખ્યું, 'સ્ટાર હંમેશા ચમકે છે... તે ગમે ત્યાં હોય તે વાંધો નથી. કાર્તિકની આ પોસ્ટથી હવે એવી અટકળો લગાવવામાં આવી રહી છે કે કાર્તિકે આડકતરી રીતે પ્રખ્યાત ફિલ્મમેકર કરણ જોહર પર નિશાન સાધ્યું છે.