હૈદરાબાદઃ બોલિવૂડ એક્ટર શાહરૂખ ખાનના મુંબઈમાં આવેલા બંગલા 'મન્નત' (Fire Broke Out Near Shah Rukh Khan Bungalow) પાસેની ઈમારતમાં ગઈકાલે રાત્રે આગ લાગી હતી. મીડિયા રિપોર્ટ્સ અનુસાર બાંદ્રાના (વેસ્ટ) બેન્ડસ્ટેન્ડ રોડ સ્થિત જીવેશ બિલ્ડિંગના 14મા માળે સ્ટોરી લેવલ-2માં આગ લાગી હતી. આગ પર કાબૂ મેળવવા માટે રાતભર પ્રયાસો હાથ ધરાયા હતા. નોંધનીય છે કે. જે બિલ્ડિંગમાં આગ લાગી હતી તેનું નામ 'જીવેશ' છે અને આ બિલ્ડિંગ શાહરૂખ ખાનના ઘર 'મન્નત'ની બાજુમાં આવેલી છે.
આ પણ વાંચો:Arjun Kapoor Pic : અર્જુન કપૂરે બોડી ટ્રાન્સફોર્મેશનની તસવીરો શેર કરતા રણવીરે કહ્યું- 'હાય ગરમી'
શાહરૂખ ખાનનો બંગલો 'મન્નત' સંપૂર્ણપણે છે સુરક્ષિત :શાહરૂખના ફેન્સને જણાવી દઈએ કે, આ ઘટનાથી શાહરૂખ ખાનનો બંગલો 'મન્નત' સંપૂર્ણપણે સુરક્ષિત છે. શાહરૂખ ખાનનો બંગલો બાંદ્રામાં છે. આ વિસ્તારમાં બોલિવૂડની જાણીતી હસ્તીઓના બંગલા પણ છે. શાહરૂખ ખાને હાલમાં જ પોતાના ઘરની નેમ પ્લેટ પર ખર્ચ કર્યો હતો. આ નેમપ્લેટ ગૌરી ખાને જાતે જ ડિઝાઇન કરી હતી. 'મન્નત' નામની આ નેમપ્લેટ પાછળ શાહરૂખ ખાને 25 લાખ રૂપિયા ખર્ચ્યા હતા.